İtaliya hökuməti miqrant axını və cənub bölgələrinin onları qəbul etməkdə yaşadığı çətinliklərlə əlaqədar fövqəladə vəziyyət elan edib.
Məlumatı ANSA agentliyi yayıb.
Bu qərara əsasən, 6 ay üçün 5 milyon avro ayrılması nəzərdə tutulur. Bu qərar mülki müdafiə və dəniz siyasəti naziri Nello Muzumeçinin təklifi ilə Nazirlər Şurasının iclasında qəbul edilib.
Qeyd edilir ki, qərar Aralıq dənizi marşrutu üzrə miqrasiya axınının artması ilə əlaqədar verilib. Belə ki, 2023-cü ilin əvvəlindən ölkəyə dəniz yolu ilə 30 mindən çox miqrant gəlib ki, bu da 2022-ci ilin ilk ayları ilə müqayisədə 4 dəfədən çox çoxdur.