zamanlabirge.az
zamanlabirge.az

Lalə Məmmədova keçmiş ərini HƏDƏLƏDİ: "Qanun qarşısında cavab verəcək"

3-05-2019, 11:36

Lalə Məmmədova keçmiş ərini HƏDƏLƏDİ: "Qanun qarşısında cavab verəcək" Əməkdar artist Lalə Məmmədova keçmiş həyat yoldaşı İlham Qafarovu məhkəməyə verib.
Müğənni bu barədə sosial şəbəkədəki səhifəsində yazıb: "Son həssas dönəmlərimdə yanımda olan və ola bilməyən dostlarıma, sənət yoldaşlarıma, əzizlərimə və məni qəlbən sevənlərə dəstəklərinə görə təşəkkür edirəm. Sizi üzmək istəməzdim. Susmaq haqqımdır. Lakin söhbət övladlarımdan gedirsə, məni üzrlü hesab edin. Övladıma və mənim ünvanıma deyilən yalan və böhtanlara görə göydə Allaha, yerdə isə dövlətimə və qanunlarıma güvənirəm. Bu yerlərə zəhmətimlə və xalqın sevgisi sayəsində gəlmişəm. İllərlə qazandığım şərəf və ləyaqətimi, min bir əziyyətlə böyütdüyüm övladlarıma deyilən təhqiramiz sözlərə görə qanun qarşısında cavab verəcəklər".
Xatırladaq ki, İ.Qafarov L.Məmmədova barəsində bu sözləri demişdi: “Aramızdakı problem 2012-ci ildə başlayıb. İcazəsiz qızımı da götürüb rəfiqəsinin evinə getdi. O, ərə gələndə valideynlərim sağ idi. Valideynlərim kirayədə, biz isə qonşuluqda yaşayırdıq. Atam rəhmətə gedəndən sonra anam yanımıza köçdü. Problemlər də bundan sonra başladı. Lalə əsəbi oldu.
Mənə şər atdılar ki, işləməyib, onun hesabına yaşamışam. Bu, absurd bir şeydir. İllər əvvəl məclislərin birində çəkilən fotoya görə aramızda soyuqluq yarandı. Beş dəfə onu qaytarmaq istədim, məni qovdu. 2013-cü ildə onu evə qaytardım. Özünü əsəbi aparırdı. Gördüm ki, dəyişib. Lalə dedi ki, ev almışıq, 43 min çatmır. Mənə dedilər ki, sən verməlisən. Mən də ailəmin dağılmaması üçün maşını satıb, o pulu ödədim. Orada sənədlər də var. Anası və Lalə iddia edir ki, sən bu pulu verməmisən. İkinci uşağa hamilə oldu. İki ay sonra dava etdi, çıxdı getdi. Anama ağır söz dedi, mən də qərara gəldim ki, Lalə ilə yaşamayacam. Anamı təhqir etdiyinə görə, ikinci uşağımla maraqlanmadım.
Qızım mənə səs atıb, təhqir edir. Belə tərbiyə alıb. Lalə bir dəfə üç min aliment yığışıb, onu alıb. İkinci dəfə evlənmişəm deyə, aliment məsələsini qaldırıb. Lalə mənim evimdən çıxsın, aliment borcumu hissə-hissə ödəyirəm. Məni həbs etdirmək istəyir”.
Qeyd edək ki, boşanan cütlüyün bu evlilikdən 2 övladı var.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİr
BÜTÜN XƏBƏRLƏR
SƏHİYYƏ
İDMAN
DÜNYA