zamanlabirge.az
zamanlabirge.az

Türkiyə PUA-larının Kanada texnologiyasına ehtiyacı qalmayacaq - Yeni kamera sistemləri hazırlanır

6-10-2020, 12:06

Türkiyə PUA-larının Kanada texnologiyasına ehtiyacı qalmayacaq - Yeni kamera sistemləri hazırlanır Türkiyənin ASELSAN müdafiə sənayesi şirkəti "ANKA” zərbə PUA-ları üçün yeni texnologiya hazırlayır.
Söhbət gecə-gündüz çəkiliş etmək imkanına malik olan "Cats HD” kamera sistemlərindən gedir.
Məlumata görə, hazırda "Cats HD” hazırlanma prosesindədir.
Qeyd olunub ki, hələ uçuş sınaqları 2 il öncə yekunlaşan və daha qabaqcıl xüsusiyyətləri əldə etməsi üçün üzərində işlər aparılan kamera sistemləri yaxın zamanda Türkiyə istehsalı PUA-larda öz əksini tapacaq.
Beləliklə, Türkiyə texnologiya sahəsində daha bir xarici asılılıq amilini ortadan qaldıracaq.
Xatırladaq ki, ötən gün Kanadanın Xarici İşlər naziri Fransua-Filipp Şampan Türkiyəyə hərbi texnologiyanın ixracına icazəni dayandırmışdı. Bildirilib ki, buna səbəb həmin texnologiyanın Dağlıq Qarabağ münaqişəsində istifadəsi olub. Xarici KİV-də gedən məlumata görə, söhbət Türkiyənin zərbə PUA-larında istifadə olunan Kanadanın "Wescam” şirkətinin kamera sistemlərindən gedir.
Türkiyə Xarici İşlər Nazirliyi Kanadanın bu qərarına belə cavab verib:
"Ölkəmizə bəzi hərbi avadanlığın ixracının dayandırması Azərbaycanın 30 ildir Ermənistanın işğalı altında olan torpaqlarını azad etmək üçün haqlı mübarizəsinə Kanadanın göstərdiyi ikili standart yanaşmasının nümunəsidir”.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİr
BÜTÜN XƏBƏRLƏR
SƏHİYYƏ
İDMAN
DÜNYA