A.R Şəhid Ailələrinə “Qayğı” Cəmiyyətinin Göyçay rayonu şöbəsinin təşkilatçılığı ilə 15 oktyabr Göyçay rayonu Qaraxıdır kəndində şəhidimiz Şəmistan Əzizov İlyas oğlunun şəhid olmasının ildönümü və şəhidlərin xatirəsinə “Xatirə guşəsi”nin açılışı baş tutmuşdur. 1-ci Qarabağ müharibəsində 5, 2-ci Qarabağ müharibəsində isə 3 şəhid vermiş, Göyçay rayonu Qaraxıdır kənd məscidində şəhid Şəmistan Əzizovun komandiri, döyüş yoldaşları və digər ətraf rayonlardan (İsmayıllı, Qəbələ və s.) şəhid ailələrinin iştirakı ilə anım tədbir keçirilmişdir.
Bioloji Təbabət Klinikasının rəhbəri Elxan Yaqubovda bu tədbirdə iştirak etmişdir. 44 günlük Vətən müharibəsi zamanı arxa cəbhəyə yardımlarını əsirgəməyən, göstərdiyi xüsusi fəallığa və fədakarlığa görə Elxan Yaqubov “Fəxri Fərman”ilə təltif olunmuşdur.
Göyçayda fəaliyyət göstərən Bioloji Təbabət klinikası bütün tibb müəsissələrinə nümunə olacaq addım atıb. Sözügedən bu xəstəxana Göyçayda yaşayan şəhid ailələrini tam pulsuz olaraq müalicə və müayinələrdən keçirib. Ehtiyacı olan şəhid valideynlərini isə lazımı dərman pereparatları ilə təmin edib.
Etdiyi bu addıma görə və həm də 44 günlük Vətən müharibəsi zamanı arxa cəbhəyə yardımlarını əsirgəməyən Göyçay Bioloji Təbabət Klinikasının rəhbəri Elxan Yaqubov Azərbaycan Respublikası Şəhid Ailələrinə "Qayğı" cəmiyyətinin Göyçay rayon rəhbəri Eldəniz Rüstəmov tərəfindən xüsusi "Fəxri Fərman" ilə təltif olunub.
Allah bütün şəhidlərimizə rəhmət etsin, amin. Bu kimi addımlar hamıya nümunə olsa və davamlı olsa çox yaxşı olar.
Mətndə səhv var? Onu siçanla seçin və Ctrl+Enter düyməsini basın.