https://zamanlabirge.az/ Gündəm - ZamanlaBirge.az[shortrss] https://zamanlabirge.az/gundem/7239-mediann-nkiaf-agentliyi-byanat-yayb.html https://zamanlabirge.az/gundem/7239-mediann-nkiaf-agentliyi-byanat-yayb.html Gündəm / Siyasət admin Mon, 27 Jul 2026 22:26:59 +0400 [/shortrss] [fullrss] https://zamanlabirge.az/gundem/7239-mediann-nkiaf-agentliyi-byanat-yayb.html https://zamanlabirge.az/gundem/7239-mediann-nkiaf-agentliyi-byanat-yayb.html ]]> admin Mon, 27 Jul 2026 22:26:59 +0400 [/fullrss] [yandexrss] https://zamanlabirge.az/gundem/7239-mediann-nkiaf-agentliyi-byanat-yayb.html Gündəm / Siyasət Mon, 27 Jul 2026 22:26:59 +0400 Medianın İnkişafı Agentliyi İran İslam Respublikasının Kəşfiyyat Nazirliyi tərəfindən bəzi xarici media subyektlərinin, o cümlədən AzTV-nin “düşmən media qurumları” siyahısına daxil edilməsi və həmin qurumlarla əməkdaşlıq edən şəxslərin cinayət məsuliyyəti ilə hədələnməsi ilə bağlı Bəyanat yayıb:

“İran İslam Respublikasının Kəşfiyyat Nazirliyi tərəfindən bəzi xarici media subyektləri, o cümlədən Azərbaycan Respublikasının dövlət televiziya kanalı olan AzTV-nin “düşmən media qurumları” siyahısına daxil edilməsi və həmin qurumlarla əməkdaşlıq edən şəxslərin cinayət məsuliyyəti ilə hədələnməsi təəccüb doğurur.

Heç şübhəsiz ki, Azərbaycan Respublikası jurnalistlərin peşə fəaliyyətinin müdafiəsinə sadiq olmaqla yanaşı, qarşılıqlılıq prinsipinin tətbiqini də təmin edir. Belə ki, “Media haqqında” Azərbaycan Respublikası Qanununun 11.4-cü maddəsinə əsasən, Media Reyestrinə daxil edilmiş jurnalistlərin peşə fəaliyyətinin həyata keçirilməsinə digər dövlətlər tərəfindən xüsusi məhdudiyyətlər qoyulduqda həmin məhdudiyyətləri tətbiq etmiş dövlətin jurnalistlərinə Azərbaycan Respublikasında da eyni məhdudiyyətlər qoyula bilər.

Müvafiq maddənin tələbləri və qarşılıqlılıq prinsipi nəzərə alınaraq, Azərbaycan Respublikasının milli maraqlarına zidd fəaliyyət göstərən, ölkəmizin suverenliyi, konstitusiya quruluşu, ərazi bütövlüyü və milli təhlükəsizliyi əleyhinə təbliğat aparan media subyektlərinin - “Səhər” telekanalı və “Mehr” xəbər agentliyinin, həmçinin bu subyektlərin nümayəndələrinin Azərbaycan Respublikası ərazisində fəaliyyəti qanunsuz hesab edilir.

Azərbaycan Respublikasında fəaliyyət göstərən bütün media subyektlərini və jurnalistləri ölkəmizin milli maraqlarına qarşı fəaliyyət göstərən yuxarıda adları çəkilən media qurumları və onların əlaqəli nümayəndələri ilə əməkdaşlıqdan çəkinməyə çağırır, media sahəsində beynəlxalq əməkdaşlığın yalnız qarşılıqlı hörmət və jurnalistlərin peşə müstəqilliyi əsasında həyata keçirilməli olduğunu bir daha vurğulayırıq”,- deyə Bəyanatda vurğulanıb. [/yandexrss][shortrss] https://zamanlabirge.az/gundem/7233-22-iyul-milli-mtbuat-gndr.html https://zamanlabirge.az/gundem/7233-22-iyul-milli-mtbuat-gndr.html Gündəm / Siyasət admin Wed, 22 Jul 2026 13:32:34 +0400 [/shortrss] [fullrss] https://zamanlabirge.az/gundem/7233-22-iyul-milli-mtbuat-gndr.html https://zamanlabirge.az/gundem/7233-22-iyul-milli-mtbuat-gndr.html ]]> admin Wed, 22 Jul 2026 13:32:34 +0400 [/fullrss] [yandexrss] https://zamanlabirge.az/gundem/7233-22-iyul-milli-mtbuat-gndr.html Gündəm / Siyasət Wed, 22 Jul 2026 13:32:34 +0400 Həsən bəy Zərdabi tərəfindən nəşrə başlanılan “Əkinçi” qəzeti dövrünün azadlıq, müstəqillik və milli özünüdərk uğrunda mübarizənin əsas simvollarından idi. Milli Mətbuatımızın tarixi, keçdiyi 151 illik yola nəzər salanda bu uzun yolun heç də asan olmadığının şahidi oluruq.
XIX əsrin ikinci yarısında dünyanın neft və sənaye mərkəzlərindən birinə çevrilmiş, sürətli iqtisadi yüksəliş dövrünü yaşayan Azərbaycanın ictimai-siyasi və mədəni həyatında baş verən əsaslı dəyişikliklər milli mətbuatın yaranmasını tarixi zərurətə çevirmişdi. 1875-ci ildən 1877-ci ilin sentyabrınadək cəmi 56 sayı işıq üzü görən “Əkinçi” qısa ömrünə baxmayaraq, cəhalətə və xurafata kəskin zərbə vuraraq maarifçi ideyaların carçısı oldu, mütərəqqi jurnalist nəslinin yetişməsinə müstəsna töhfələr verdi. Çar Rusiyasının qəzetin yaratdığı ictimai-siyasi intibahdan çəkinərək nəşrini dayandırmasına rəğmən, “Əkinçi”nin bəyan etdiyi prinsiplər milli mətbuatımızın gələcək inkişaf xəttini cızdı.

XIX əsrin sonu və XX əsrin əvvəlləri Azərbaycan mətbuatının yüksəliş dövrü kimi xarakterizə olunur. Həmin illərdə nəşr olunan “Kəşkül”, “Füyuzat”, “Ziya”, “Ziyayi-Qafqaziyyə”, “Şərqi-Rus”, “Həyat”, “Dəbistan”, “Təzə Həyat”, “Tərəqqi”, “Həqiqət”, “Məktəb”, “Açıq Söz”, “İrşad” və “Molla Nəsrəddin” kimi qəzet və jurnallar dövrün ictimai-siyasi, sosial və mədəni hadisələrini əks etdirərək maarifçilik hərəkatının inkişafına mühüm töhfələr verdi. Əlimərdan bəy Topçubaşovun rəhbərliyi ilə nəşr olunan “Kaspi” qəzeti də Həsən bəy Zərdabinin ideyalarını davam etdirən mühüm mətbuat orqanlarından biri oldu. Bu nəşrlər milli düşüncənin formalaşmasında və istiqlal ideyalarının yayılmasında əhəmiyyətli rol oynadı.

Azərbaycan mətbuatının inkişafında həyata keçirilən dövlət islahatları mühüm rol oynayıb. Umummilli lider Heydər Əliyev tərəfindən bir sıra islahatların aparılması, daha sonra Prezident İlham Əliyev tərəfindən bu sahə ilə bağlı imzalanan sərəncam və fərmanlar medianın inkişafına təkan verib. Prezident İlham Əliyevin vurğuladığı kimi, mətbuat informasiya cəmiyyətinin qurulmasına, şəffaflığın və sosial ədalətin möhkəmləndirilməsinə, milli həmrəyliyin gücləndirilməsinə və milli-mənəvi dəyərlərin təbliğinə xidmət etməlidir. Jurnalistlər peşəkarlıq, obyektivlik, qərəzsizlik və vətənpərvərlik prinsiplərinə sadiq qalmalı, söz və məlumat azadlığından sui-istifadə hallarına qarşı prinsipial mövqe nümayiş etdirməlidirlər.

Bu gün Prezident İlham Əliyevin rəhbərliyi ilə Azərbaycan mediasının müasir çağırışlara uyğun inkişafı dövlət siyasətinin vacib istiqamətlərindən biridir. Medianın iqtisadi dayanıqlığının artırılması, jurnalistlərin sosial müdafiəsinin gücləndirilməsi, rəqəmsal transformasiyanın dəstəklənməsi və peşəkarlığın yüksəldilməsi istiqamətində ardıcıl tədbirlər həyata keçirilir. Medianın İnkişafı Agentliyinin fəaliyyəti, jurnalistlərin peşə hazırlığına verilən dəstək və informasiya təhlükəsizliyinin möhkəmləndirilməsi bu siyasətin mühüm tərkib hissəsidir.

Müasir dövrdə informasiya təhlükəsizliyi hər bir dövlət üçün strateji əhəmiyyət daşıyır. Xüsusilə Vətən müharibəsi və sonrakı dövrdə Azərbaycan mediası informasiya cəbhəsində ölkənin milli maraqlarının müdafiəsində mühüm rol oynadı. Operativ, dəqiq və etibarlı məlumatların ictimaiyyətə çatdırılması, dezinformasiyaya qarşı mübarizə və dövlətin haqlı mövqeyinin beynəlxalq auditoriyaya çatdırılması jurnalistlərin üzərinə düşən məsuliyyətin nə qədər böyük olduğunu bir daha nümayiş etdirdi.

Bu gün Azərbaycan jurnalistindən yalnız xəbəri çatdırmaq deyil, həm də peşə etikası prinsiplərinə sadiq qalmaq, cəmiyyət qarşısında məsuliyyət daşımaq, milli maraqları qorumaq və həqiqətin müdafiəçisi olmaq tələb olunur. İnformasiya bolluğu dövründə etibarlı və peşəkar medianın rolu daha da artır.

22 iyul – Milli Mətbuat Günü Azərbaycan jurnalistikasının keçdiyi şərəfli yolu dəyərləndirmək, bu sahədə çalışan insanların əməyinə hörmət və ehtiram göstərmək üçün əlamətdar gündür. Bu münasibətlə bütün media nümayəndələrini peşə bayramı münasibətilə ürəkdən təbrik edirik!

/zamanlabirge.az/

[/yandexrss][shortrss] https://zamanlabirge.az/gundem/7231-prezident-lham-liyev-bir-sra-beynlxalq-qurumlarn-rhbr-xslrini-qbul-edib.html https://zamanlabirge.az/gundem/7231-prezident-lham-liyev-bir-sra-beynlxalq-qurumlarn-rhbr-xslrini-qbul-edib.html Gündəm / Siyasət admin Fri, 10 Jul 2026 21:48:51 +0400 [/shortrss] [fullrss] https://zamanlabirge.az/gundem/7231-prezident-lham-liyev-bir-sra-beynlxalq-qurumlarn-rhbr-xslrini-qbul-edib.html https://zamanlabirge.az/gundem/7231-prezident-lham-liyev-bir-sra-beynlxalq-qurumlarn-rhbr-xslrini-qbul-edib.html ]]> admin Fri, 10 Jul 2026 21:48:51 +0400 [/fullrss] [yandexrss] https://zamanlabirge.az/gundem/7231-prezident-lham-liyev-bir-sra-beynlxalq-qurumlarn-rhbr-xslrini-qbul-edib.html Gündəm / Siyasət Fri, 10 Jul 2026 21:48:51 +0400 Azərbaycan Respublikasının Prezidenti İlham Əliyev iyulun 10-da Maliyyə Tədbirləri üzrə İşçi Qrupu və Çirkli Pulların Yuyulmasına və Terrorçuluğun Maliyyələşdirilməsinə Qarşı Mübarizə Tədbirlərinin Qiymətləndirilməsi üzrə Ekspertlər Komitəsinin prezidenti, Böyük Britaniyanın Maliyyə Nazirliyində İqtisadi Cinayətkarlıq və Sanksiyalar üzrə direktor Giles Tompson, Türk Dövlətləri Təşkilatının Baş katibi Kubanıçbek Ömüralıyev, Eqmont Qrupun sədri, Polşanın Maliyyə Nazirliyinin Maliyyə Məlumatları Departamentinin direktor müavini Elzbieta Franko-Yaskeviç, Eqmont Qrupun icraçı katibi, Fransanın Maliyyə Kəşfiyyat Orqanının Beynəlxalq əməkdaşlıq departamentinin direktor müavini Jerom Bomon, “MONEYVAL” şirkətinin prezidenti, San Marinonun Maliyyə Kəşfiyyat Orqanının direktoru Nikolla Muçiolli, Eqmont Qrupun sədr müavini, Almaniyanın Maliyyə Kəşfiyyat Orqanının rəhbəri Daniel Telesklaf və Eqmont Qrupun sədr müavini, Səudiyyə Ərəbistanının Maliyyə Kəşfiyyat Orqanının rəhbəri Məhəmməd bin Əbdülrahman Almuhannanı qəbul edib.

Söhbət zamanı ölkəmizin Eqmont Qrupun illik plenar sessiyasına ev sahibliyi etdiyi vurğulanaraq, tədbirin yüksək səviyyədə təşkil olunduğu, orada səmərəli müzakirələrin aparıldığı qeyd edilib.

Görüşdə Azərbaycanla nümayəndə heyətinə daxil olan qurumlar arasında uğurlu əməkdaşlığın həyata keçirildiyi bildirildi, tərəfdaşlığın genişləndirilməsi ətrafında fikir mübadiləsi aparılıb.

Ölkəmizdə çirkli pulların yuyulması və terrorçuluğun maliyyələşdirilməsinə qarşı mübarizə sahəsində ardıcıl tədbirlər görüldüyü, bu istiqamətdə mühüm nailiyyətlərin əldə edildiyi bildirilib. [/yandexrss][shortrss] https://zamanlabirge.az/gundem/7227-milli-mclisd-22-msl-mzakiry-xarlb.html https://zamanlabirge.az/gundem/7227-milli-mclisd-22-msl-mzakiry-xarlb.html Gündəm / Siyasət admin Fri, 10 Jul 2026 21:39:04 +0400 [/shortrss] [fullrss] https://zamanlabirge.az/gundem/7227-milli-mclisd-22-msl-mzakiry-xarlb.html https://zamanlabirge.az/gundem/7227-milli-mclisd-22-msl-mzakiry-xarlb.html ]]> admin Fri, 10 Jul 2026 21:39:04 +0400 [/fullrss] [yandexrss] https://zamanlabirge.az/gundem/7227-milli-mclisd-22-msl-mzakiry-xarlb.html Gündəm / Siyasət Fri, 10 Jul 2026 21:39:04 +0400 İyulun 10-da Milli Məclisin növbədənkənar sessiyasının növbəti iclası keçirilib.

Milli Məclisin sədri Sahibə Qafarova gündəliyin təsdiqindən sonra iclasda müzakirə ediləcək 22 məsələdən ilk iki məsələnin beynəlxalq sənədlərlə bağlı qanun layihələri olduğunu və “Normativ hüquqi aktlar haqqında” Konstitusiya Qanununun tələbinə uyğun olaraq onların bir oxunuşda qəbul ediləcəyini bildirib.

Sonra İqtisadi siyasət, sənaye və sahibkarlıq komitəsinin üzvü Zaur Şükürov “Gəmilərin ballast sularının və çöküntülərinin idarə edilməsi və nəzarətinə dair” Beynəlxalq Konvensiyaya qoşulmaq haqqında qanun layihəsi barədə məlumat verib.

Beynəlxalq münasibətlər və parlamentlərarası əlaqələr komitəsinin sədri Səməd Seyidov məsələyə dair bu komitənin rəyini söylədikdən sonra, qanun layihəsi səsə qoyularaq qəbul edilib.

Parlamentin Hüquq siyasəti və dövlət quruculuğu komitəsinin üzvü Nizami Səfərov “Azərbaycan Respublikası ilə Ukrayna arasında mülki və ticarət işləri üzrə hüquqi yardım haqqında Müqavilə”nin təsdiq edilməsi barədə qanun layihəsini təqdim edib.

Qanun layihəsi səsə qoyularaq qəbul edilib.

Parlamentin sədri gündəliyin növbəti 5 məsələsinin üçüncü oxunuşda qanun layihələri olduğunu deyib.

Sonra İqtisadi siyasət, sənaye və sahibkarlıq komitəsi sədrinin müavini Azər Badamov Ticarət Gəmiçiliyi Məcəlləsində, “Yol hərəkəti haqqında”, “Nəqliyyat haqqında”, “Dövlət rüsumu haqqında”, “Mülki dövriyyənin müəyyən iştirakçılarına mənsub ola bilən və dövriyyədə olmasına xüsusi icazə əsasında yol verilən (mülki dövriyyəsi məhdudlaşdırılmış) əşyaların siyahısı haqqında”, “Avtomobil nəqliyyatı haqqında” və “Aviasiya haqqında” qanunlarda dəyişiklik edilməsi barədə qanun layihəsi (üçüncü oxunuş) ilə bağlı məlumat verib.

Hüquq siyasəti və dövlət quruculuğu komitəsinin sədr müavini Elşən Musayev sənəd barədə bu komitənin müsbət rəyini bildirdikdən sonra, qanun layihəsi üçüncü oxunuşda qəbul olunub.

Azər Badamov daha sonra “Yol hərəkəti haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2025-ci il 9 dekabr tarixli 307-VIIQD nömrəli Qanununun icrası ilə əlaqədar bəzi qanunlarda dəyişiklik edilməsi haqqında qanun layihəsindən (üçüncü oxunuş) bəhs edib.

Qanun layihəsi üçüncü oxunuşda qəbul edilib.

İclasda İqtisadi siyasət, sənaye və sahibkarlıq komitəsinin sədri Azər Əmiraslanov “Büdcə sistemi haqqında”, “Sığorta fəaliyyəti haqqında” və “Hesablama Palatası haqqında” qanunlarda dəyişiklik edilməsi barədə qanun layihəsini (üçüncü oxunuş) təqdim edib.

Qanun layihəsi üçüncü oxunuşda qəbul olunub.

Sonra komitə sədri Azər Əmiraslanov “Gömrük tarifi haqqında” Azərbaycan Respublikasının Qanununda dəyişiklik edilməsi barədə qanun layihəsinə dair (üçüncü oxunuş) məlumat verib.

Qanun layihəsi üçüncü oxunuşda qəbul olunub.

Parlamentin Hüquq siyasəti və dövlət quruculuğu komitəsinin sədr müavini Elşən Musayev Cinayət Məcəlləsində, Cinayət-Prosessual Məcəllədə və “İnformasiya, informasiyalaşdırma və informasiyanın mühafizəsi haqqında” Qanunda dəyişiklik edilməsi barədə qanun layihəsini (üçüncü oxunuş) diqqətə çatdırıb.

İnsan hüquqları komitəsinin sədri Zahid Oruc məsələ barədə bu komitənin rəyini səsləndirdikdən sonra, qanun layihəsi üçüncü oxunuşda qəbul olunub.

Milli Məclisin sədri gündəliyin növbəti 4 məsələsinin ikinci oxunuşda qanun layihələri olduğunu deyib.

Sonra Səhiyyə komitəsinin sədri Əhliman Əmiraslanov “Psixiatriya yardımı haqqında” Qanunda dəyişiklik edilməsi barədə qanun layihəsini (ikinci oxunuş) təqdim edib.

Qanun layihəsi ikinci oxunuşda qəbul edilib.

Komitə sədri Azər Əmiraslanov Vergi Məcəlləsində dəyişiklik edilməsi haqqında qanun layihəsini (ikinci oxunuş) təqdim edib.

Məsələ ilə bağlı müzakirələrdə deputatlar Razi Nurullayev və Samir Vəliyev öz qeyd və təkliflərini səsləndiriblər.

Qanun layihəsi ikinci oxunuşda qəbul olunub.

Sonra komitə sədri Azər Əmiraslanov Gömrük Məcəlləsində dəyişiklik edilməsi haqqında qanun layihəsinə dair (ikinci oxunuş) məlumat verib.

Qanun layihəsi ikinci oxunuşda qəbul edilib.

Daha sonra Azər Əmiraslanov “Dövlət satınalmaları haqqında” Qanunda dəyişiklik edilməsi barədə qanun layihəsini (ikinci oxunuş) təqdim edib.

Məsələ barədə deputat Müşfiq Məmmədli öz fikirlərini və bəzi təkliflərini səsləndirdikdən sonra, qanun layihəsi ikinci oxunuşda qəbul edilib.

Sahibə Qafarova gündəliyin qalan 11 məsələsinin birinci oxunuşda qanun layihələri olduğunu söyləyib. O diqqətə çatdırıb ki, növbəti iki məsələ möhtərəm Prezidentin bir məktubu ilə Milli Məclisə daxil olub və mahiyyətcə bir-birinə yaxındır. Həmçinin qeyd edilib ki, iclasda kənd təsərrüfatı nazirinin müavinləri İlhamə Qədimova, Zaur Əliyev və Seymur Səfərli iştirak edirlər.

Sonra Aqrar siyasət komitəsinin sədri Tahir Rzayev “Toxumçuluq haqqında” qanun layihəsini (birinci oxunuş) təqdim edib.

Komitə sədri ölkə Prezidentinin rəhbərliyi ilə kənd təsərrüfatı sahəsində həyata keçirilən islahatların aqrar sektorun inkişafında mühüm rol oynadığını vurğulayıb. Bu islahatların ölkəmizin iqtisadi qüdrətinin artırılması ilə yanaşı, vətəndaşların rifahının yaxşılaşdırılmasına xidmət etdiyini söyləyib. Bildirilib ki, dövlət tərəfindən kənd təsərrüfatının inkişafına göstərilən qayğı və diqqət sahibkarlığın dəstəklənməsinə, ixracın artırılmasına, keyfiyyətli məhsul istehsalına, ərzaq təhlükəsizliyinin təminatına imkan yaradır.

Nəzərə çatdırılıb ki, təqdim edilən qanun layihəsi Azərbaycan Respublikasında toxumun istehsalı, emalı, tədarükü, saxlanması, daşınması, ticarət dövriyyəsi, o cümlədən idxalı və ixracı, sertifikatlaşdırılması və keyfiyyətinə nəzarətlə bağlı yaranan münasibətləri tənzimləyir, bu sahədə fəaliyyət göstərən subyektlərin və dövlət orqanlarının fəaliyyətinin hüquqi, iqtisadi və təşkilati əsaslarını müəyyən edir.

“Seleksiya nailiyyətləri haqqında”, “Dövlət rüsumu haqqında”, “Lisenziyalar və icazələr haqqında” və “Texniki tənzimləmə haqqında” Azərbaycan Respublikasının qanunlarında dəyişiklik edilməsi barədə qanun layihəsi ilə bağlı (birinci oxunuş) bildirib ki, sənəd "Toxumçuluq haqqında" yeni qanunun tələblərindən irəli gələrək hazırlanıb və müvafiq dəyişiklikləri özündə ehtiva edir.

İclasda Milli Məclis sədrinin birinci müavini Əli Əhmədov bu məsələ barədə İqtisadi siyasət, sənaye və sahibkarlıq komitəsinin rəyini bildirmək üçün komitənin sədr müavini Azər Badamova söz verib.

Sonra Azər Badamov çıxış edərək bildirib ki, layihədə seleksiya nailiyyətləri, qeydiyyata alınmış toxum əməliyyatçıları və toxumluq əkinlər barədə məlumatların elektron reyestrdə aparılması, toxum əməliyyatçılarının qeydiyyatına və toxumlara sortluq və səpin keyfiyyətlərini təsdiq edən sertifikatların verilməsinə görə dövlət rüsumunun müəyyən edilməsi, toxum əməliyyatçılarının qeydiyyatına dair reyestrdən çıxarışın sahibkarlıq fəaliyyəti üçün tələb olunan icazələr siyahısına daxil edilməsi nəzərdə tutulur.

Təqdim edilən məsələlər ətrafında müzakirələrdə komitə sədrləri Zahid Oruc, Siyavuş Novruzov, deputatlar Vüqar Bayramov, Müşfiq Cəfərov, Vüqar İskəndərov, Azər Allahverənov çıxış edərək öz fikir və təkliflərini açıqlayıblar.

Hər iki qanun layihəsi ayrı-ayrılıqda səsə qoyularaq, birinci oxunuşda qəbul edilib.

Gündəliyin növbəti iki məsələsinin də Prezident tərəfindən Milli Məclisə təqdim edildiyi və mahiyyətcə bir-birinə yaxın olduğu bildirilib.

Sonra Aqrar siyasət komitəsinin sədri Tahir Rzayev “Balıqçılıq haqqında” qanun layihəsini (birinci oxunuş) təqdim edib.

Bildirilib ki, qanun layihəsi Azərbaycan Respublikasında balıqçılığın, o cümlədən balıq və digər su bioresurslarının ovunun və akvakulturanın təşkilinin, idarə edilməsinin, balıq və digər su bioresurslarının artırılmasının, istifadəsinin və mühafizəsinin hüquqi əsaslarını müəyyən edir.

Məsələ barədə Təbii ehtiyatlar, energetika və ekologiya komitəsinin sədri Sadiq Qurbanov bu komitənin rəyini təqdim edib.

Sonra İqtisadi siyasət, sənaye və sahibkarlıq komitəsinin sədr müavini Azər Badamov “Dövlət rüsumu haqqında” və “Lisenziyalar və icazələr haqqında” Azərbaycan Respublikasının qanunlarında dəyişiklik edilməsi barədə qanun layihəsinə dair(birinci oxunuş) məlumat verib.

Bildirilib ki, sənəddə "Balıqçılıq haqqında" qanun layihəsindən irəli gələrək bir sıra dəyişikliklər nəzərdə tutulur.

Məsələlərlə bağlı müzakirələrdə çıxış edən deputatlar Razi Nurullayev, Pərvanə Vəliyeva, Vasif Qafarov öz fikirlərini bölüşüblər.

Sonra qanun layihələrə ayrı-ayrılıqda səsə qoyularaq, birinci oxunuşda qəbul edilib.

Milli Məclisin sədri Sahibə Qafarova gündəliyin 16-cı məsələsinin - Torpaq Məcəlləsində, Mülki Məcəllədə və “Qiymətləndirmə fəaliyyəti haqqında” Qanunda dəyişiklik edilməsi barədə qanun layihəsi (birinci oxunuş) olduğunu bildirib. Spiker qeyd edib ki, bu məsələ və növbəti iki məsələ ilə bağlı "Daşınmaz Əmlakın Dövlət Kadastrı və Reyestri" Publik Hüquqi Şəxsin İdarə Heyəti sədrinin müavini Elşad Məmmədov iclasa dəvət olunub.

Qanun layihəsi barədə məlumat verən Aqrar siyasət komitəsinin sədri Tahir Rzayev diqqətə çatdırıb ki, dəyişikliklər əmlakdan və torpaq sahələrindən daha səmərəli istifadə edilməsini, torpaq bazarında dövriyyənin aktivləşməsini, dövlət və vətəndaşlar arasında qarşılıqlı razılıq əsasında əmlak mübadiləsinin aparılmasını, iqtisadi fəallığın yüksəldilməsini nəzərdə tutur.

Layihə ilə bağlı Hüquq siyasəti və dövlət quruculuğu komitəsinin üzvü Nurlan Həsənov komitəsinin müsbət rəyini açıqlayıb.

İqtisadi siyasət, sənaye və sahibkarlıq komitəsinin rəyini açıqlayan komitə sədrinin müavini Azər Badamov bildirib ki, dəyişdirilən əmlakların, o cümlədən torpaq sahələrinin qiymətləndirilməsi bazar qiyməti nəzərə alınmaqla "Qiymətləndirmə fəaliyyəti haqqında" Qanuna uyğun olaraq həyata keçiriləcək.

Qanun layihəsi birinci oxunuşda qəbul olunub.

Növbəti məsələ Torpaq Məcəlləsində, Mülki Məcəllədə, “Daşınmaz əmlakın dövlət kadastrı, torpaqların monitorinqi və yerquruluşu haqqında”, “Torpaq bazarı haqqında” və “Daşınmaz əmlakın dövlət reyestri haqqında” qanunlarda dəyişiklik edilməsi barədə qanun layihəsi (birinci oxunuş) barədə də Aqrar siyasət komitəsinin sədri Tahir Rzayev məlumat verib.

Layihə ilə bağlı Hüquq siyasəti və dövlət quruculuğu komitəsinin müsbət rəyini səsləndirən komitənin üzvü Nurlan Həsənov sənəddə konsolidasiyanın könüllülük prinsipi əsasında həyata keçirildiyini vurğulayıb. Torpaq sahələrinin konsolidasiyası yalnız mülkiyyətçilərin razılığı ilə aparılır, bazar dəyəri prinsipi qorunur, zərurət yarandıqda kompensasiya mexanizmi tətbiq olunur.

İqtisadi siyasət, sənaye və sahibkarlıq komitəsinin müsbət rəyini açıqlayan komitə sədrinin müavini Azər Badamov bildirib ki, sənəd kənd təsərrüfatı təyinatlı torpaqların konsolidasiyası üçün hüquqi zəminin formalaşdırılması, torpaq sahələrinin könüllülük və ekvivalent bazar dəyəri prinsipləri əsasında birləşdirilməsi, bölünməsi və yenidən təşkili mexanizmlərinin müəyyən edilməsi məqsədilə hazırlanıb.

Müzakirədə komitə sədri Siyavuş Novruzov və deputat Vüqar Bayramovun dəyişikliklərə bağlı fikirləri dinlənildikdən sonra qanun layihəsi birinci oxunuşda qəbul olunub.

Aqrar siyasət komitəsinin sədri Tahir Rzayev növbəti məsələ - Torpaq Məcəlləsində, Mülki Məcəllədə, “Azərbaycan Respublikasında mənzil fondunun özəlləşdirilməsi haqqında”, “Dövlət torpaq kadastrı, torpaqların monitorinqi və yerquruluşu haqqında”, “Daşınmaz əmlakın dövlət reyestri haqqında”, “Azərbaycan Respublikasının Mülki Məcəlləsində dəyişikliklər edilməsi haqqında” 2017-ci il 15 dekabr tarixli 918-VQD nömrəli və “Aqrar sığorta haqqında” qanunlarda dəyişiklik edilməsi barədə qanun layihəsi (birinci oxunuş) ilə bağlı bildirib ki, sənəd "Daşınmaz Əmlakın Elektron Reyestri və Kadastrı" informasiya sisteminin yaradılması haqqında Azərbaycan Respublikası Prezidentinin 17 noyabr 2023-cü il tarixli Fərmanının icrası çərçivəsində hazırlanıb.

Layihə ilə bağlı komitələrinin rəyini diqqətə çatdıran İqtisadi siyasət, sənaye və sahibkarlıq komitəsinin sədrinin müavini Azər Badamov və Hüquq siyasəti və dövlət quruculuğu komitəsinin üzvü Nurlan Həsənov dəyişikliklərin üstünlüklərindən danışıblar, xidmətlərin elektronlaşmasının, daşınmaz əmlakın qeydiyyatı və mülkiyyət sənədlərinin vahid qaydada tənzimlənməsinin əhəmiyyətini vurğulayıblar.

Qanun layihəsi birinci oxunuşda qəbul olunub.

Növbəti qanun layihəsi - İnzibati Xətalar Məcəlləsində dəyişiklik edilməsi haqqında qanun layihəsi (birinci oxunuş) barədə Hüquq siyasəti və dövlət quruculuğu komitəsinin üzvü Kamal Cəfərov məlumat verib.

Layihə barədə deputat Nizami Səfərovun fikirləri dinlənildikdən sonra sənəd səsə qoyularaq birinci oxunuşda qəbul olunub.

“Tibbi sığorta haqqında” və “Əlilliyi olan şəxslərin hüquqları haqqında” qanunlarda dəyişiklik edilməsi barədə qanun layihəsi (birinci oxunuş) ilə bağlı Səhiyyə komitəsinin sədri Əhliman Əmiraslanov məlumat verib.

Əmək və sosial siyasət komitəsinin sədri Musa Quliyev rəhbərlik etdiyi komitənin müsbət rəyini bildirəndən sonra qanun layihəsi birinci oxunuşda qəbul olunub.

Miqrasiya Məcəlləsində, “Yaşayış yeri və olduğu yer üzrə qeydiyyat haqqında” və “Dövlət rüsumu haqqında” qanunlarda dəyişiklik edilməsi barədə qanun layihəsi (birinci oxunuş) ilə bağlı Hüquq siyasəti və dövlət quruculuğu komitəsinin üzvü Kamal Cəfərov məlumat verib.

İqtisadi siyasət, sənaye və sahibkarlıq komitəsi sədri Azər Əmiraslanov məsələ barədə komitəsinin müsbət rəyini səsləndirəndən sonra qanun layihəsi birinci oxunuşda qəbul olunub.

“Enerji resurslarından səmərəli istifadə və enerji effektivliyi haqqında” Qanunda dəyişiklik edilməsi barədə qanun layihəsi (birinci oxunuş) haqqında Təbii ehtiyatlar, energetika və ekologiya komitəsinin üzvü Bədəl Bədəlov məlumat verib.

Qanun layihəsi birinci oxunuşda qəbul olunub.

Bununla Milli Məclisin bugünkü iclası başa çatıb.

[/yandexrss][shortrss] https://zamanlabirge.az/gundem/7224-leyla-liyeva-kid-uaq-evi-sosial-xidmt-mssissinin-sakinlri-il-grb.html https://zamanlabirge.az/gundem/7224-leyla-liyeva-kid-uaq-evi-sosial-xidmt-mssissinin-sakinlri-il-grb.html Gündəm / Siyasət admin Wed, 01 Jul 2026 11:06:00 +0400 [/shortrss] [fullrss] https://zamanlabirge.az/gundem/7224-leyla-liyeva-kid-uaq-evi-sosial-xidmt-mssissinin-sakinlri-il-grb.html https://zamanlabirge.az/gundem/7224-leyla-liyeva-kid-uaq-evi-sosial-xidmt-mssissinin-sakinlri-il-grb.html ]]> admin Wed, 01 Jul 2026 11:06:00 +0400 [/fullrss] [yandexrss] https://zamanlabirge.az/gundem/7224-leyla-liyeva-kid-uaq-evi-sosial-xidmt-mssissinin-sakinlri-il-grb.html Gündəm / Siyasət Wed, 01 Jul 2026 11:06:00 +0400 Heydər Əliyev Fondunun vitse-prezidenti Leyla Əliyeva iyunun 30-da Şəkidə 6 saylı Uşaq evi sosial xidmət müəssisəsində olub.

Leyla Əliyeva müəssisədəki uşaqların iştirakı ilə nümayiş etdirilən bədii proqramı izləyib. Həmçinin uşaqlara hədiyyələr təqdim edilib, onlarla şəkillər çəkdirilib.

Qeyd edək ki, 1936-cı ildən 2 nömrəli Uşaq evi kimi fəaliyyətə başlayan müəssisə 1988-ci ildən Şəki Qarışıq Tipli Uşaq Evi adı ilə fəaliyyətini davam etdirib. 2018-ci ildə Azərbaycan Respublikasının Birinci vitse-prezidenti Mehriban xanım Əliyevanın təşəbbüsü və rəhbərlik etdiyi Heydər Əliyev Fondunun dəstəyi ilə müəssisənin yeni inşa olunan binası istifadəyə verilib.

Müəssisədə valideyn himayəsindən məhrum olmuş uşaqlar yaşayırlar.

Burada uşaqlara sosial uyğunlaşmanın təmin olunması üçün sosial reabilitasiya tədbirləri həyata keçirilir, asudə vaxtlarının səmərəli təşkili məqsədilə müxtəlif xidmətlər göstərilir. Müəssisədəki uşaqlar sosial-məişət, sosial-psixoloji, tibbi-sosial, sosial-pedaqoji və sosial-hüquqi xidmətlər ilə təmin olunurlar.

[/yandexrss][shortrss] https://zamanlabirge.az/gundem/7223-bu-gn-azrbaycan-silahl-qvvlri-gndr.html https://zamanlabirge.az/gundem/7223-bu-gn-azrbaycan-silahl-qvvlri-gndr.html Gündəm / Cəmiyyət admin Fri, 26 Jun 2026 11:55:10 +0400 [/shortrss] [fullrss] https://zamanlabirge.az/gundem/7223-bu-gn-azrbaycan-silahl-qvvlri-gndr.html https://zamanlabirge.az/gundem/7223-bu-gn-azrbaycan-silahl-qvvlri-gndr.html ]]> admin Fri, 26 Jun 2026 11:55:10 +0400 [/fullrss] [yandexrss] https://zamanlabirge.az/gundem/7223-bu-gn-azrbaycan-silahl-qvvlri-gndr.html Gündəm / Cəmiyyət Fri, 26 Jun 2026 11:55:10 +0400 İyunun 26-da Azərbaycan xalqı böyük qürur və iftixar hissi ilə Silahlı Qüvvələr Gününü qeyd edir. Bu gün şanlı Azərbaycan Ordusunun yaranmasından 108 il ötür. Bir əsrdən artıq tarixə malik olan Ordumuz bu gün müstəqilliyimizin, suverenliyimizin və ərazi bütövlüyümüzün ən etibarlı təminatçısı, xalqımızın qürur mənbəyidir. Bu şərəfli tarix təkcə hərbi salnamə deyil, həm də xalqımızın mübarizə əzminin, dövlətçilik iradəsinin və Vətən sevgisinin parlaq təcəssümüdür.

Azərbaycan Ordusunun şanlı tarixi xalqımızın dövlətçilik salnaməsinin ayrılmaz hissəsidir. Bu tarix 1918-ci il iyunun 26-da Azərbaycan Xalq Cümhuriyyəti Nazirlər Şurasının qərarı ilə ilk müntəzəm hərbi hissənin - əlahiddə Azərbaycan korpusunun yaradılması və həmin il avqustun 1-də Azərbaycanın Hərb Nazirliyinin təsis olunması ilə başlayıb. Həmin dövrdə ordunun formalaşmasında Xosrov bəy Sultanov, Səməd bəy Mehmandarov və Əlağa Şıxlinski kimi görkəmli hərbi xadimlərin xidmətləri əvəzsiz olub.

Azərbaycan Ordusu ötən 108 il ərzində sınaqlardan keçib, çətin və mürəkkəb dövrlərlə üzləşib, lakin bütün maneələrə baxmayaraq, hər zaman xalqın və dövlətin dayağı olmağı bacarıb. Bu gün isə Azərbaycan Silahlı Qüvvələri tarixinin ən qüdrətli mərhələsini yaşayır. Ordumuzun şanlı keçmişinə nəzər saldıqda görürük ki, onun uğurlu hərbi əməliyyatlarla dolu yolunun zirvəsində Qarabağ Zəfəri dayanır. Bu Zəfər təkcə hərbi uğur deyil, həm də milli qürurun bərpası, tarixi ədalətin təmin edilməsi və xalqımızın uzun illər həsrətində olduğu müqəddəs torpaqlara qovuşmasıdır.

Müzəffər Ali Baş Komandan İlham Əliyevin qətiyyətli rəhbərliyi altında Azərbaycan Ordusu 2020-ci ilin payızında XXI əsrin hərb tarixində xüsusi yer tutan şanlı bir dastan yazıb. 30 ilə yaxın işğal altında qalmış torpaqlarımız 44 gün ərzində uğurlu hərbi əməliyyatlar nəticəsində azad edilib. Dünyanın aparıcı hərbi ekspertləri tərəfindən diqqətlə izlənilən bu müharibə müasir döyüş taktikasının, yüksək texnologiyaların və peşəkar komandanlığın parlaq nümunəsi kimi tarixə düşüb.

Azərbaycan əsgəri həmin günlərdə təkcə düşmən istehkamlarını deyil, həm də illər boyu formalaşdırılmış “məğlubedilməzlik” mifini darmadağın edib. 2020-ci ilin 44 günü xalqımızın qəhrəmanlıq salnaməsinə qızıl hərflərlə yazılıb. Şuşanın azad edilməsi ilə Azərbaycan Ordusu bütün dünyaya sübut edib ki, Vətən uğrunda döyüşən əsgərin qarşısında heç bir maneə dayana bilməz.

2023-cü il sentyabrın 19–20-də keçirilən lokal xarakterli antiterror tədbirləri isə Qarabağ Zəfərinin məntiqi yekunu olub. Cəmi 23 saat 43 dəqiqə davam edən uğurlu əməliyyat nəticəsində Qarabağda qanunsuz silahlı birləşmələrin fəaliyyətinə son qoyulub, separatizm ocağı birdəfəlik məhv edilib və dövlət suverenliyimiz tam təmin olunub. Bununla da Azərbaycanın bütün ərazisində Konstitusiya quruluşu bərpa edilib və üçrəngli bayrağımız ölkəmizin hər yerində qürurla dalğalanmağa başlayıb.

Şanlı Qələbənin qazanılmasında misilsiz şücaət göstərən Azərbaycan Ordusunun qəhrəmanlığı dövlətimiz tərəfindən daim yüksək dəyərləndirilib. Belə ki, Prezident İlham Əliyevin ayrı-ayrı dövrlərdə imzaladığı sərəncamlara əsasən, çoxsaylı hərbi qulluqçumuz, veteran və şəhidlərimiz müxtəlif orden və medallarla təltif olunub.

Dövlətimizin başçısının iyunun 25-də imzaladığı Sərəncama əsasən, Müdafiə Nazirliyinin hərbi qulluqçularına – polkovniklər Rəsul Rasim oğlu Əliyev, Elçin Rəhim oğlu Abdullayev, Azər Əfrayıl oğlu Heybətli, Gülməmməd Tofiq oğlu Rzayev və Ruslan Dünyaməddin oğlu Ağasiyevə “general-mayor” ali hərbi rütbəsi verilib. Digər Sərəncamla Azərbaycan Respublikasının müstəqilliyinin, ərazi bütövlüyünün qorunub saxlanılmasında xüsusi xidmətlərinə, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqləndiklərinə görə Müdafiə Nazirliyinin bir qrup hərbi qulluqçusu 3-cü dərəcəli “Vətənə xidmətə görə” ordeni, o cümlədən “Vətən uğrunda” və “Hərbi xidmətlərə görə” medalları ilə təltif olunub.

Dövlətimizin başçısı tərəfindən imzalanan növbəti Sərəncamla Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirərək şəhid olmuş Azərbaycan Respublikası Müdafiə Nazirliyinin bir sıra hərbi qulluqçusu və mülki işçisi ölümündən sonra “Azərbaycan Bayrağı”, 3-cü dərəcəli “Rəşadət”, 3-cü dərəcəli “Vətənə xidmətə görə” ordenləri ilə təltif edilib.

Bu möhtəşəm nailiyyətlərin təməlində isə illər boyu aparılan məqsədyönlü ordu quruculuğu siyasəti dayanır. Azərbaycan Ordusunun müasir inkişaf tarixi Ümummilli Lider Heydər Əliyevin adı ilə sıx bağlıdır. Hələ sovet dövründə milli hərbi kadrların hazırlanmasına xüsusi önəm verən Ulu Öndər gələcək müstəqil Azərbaycanın güclü Ordusunun əsasını qoyub. Ümummilli Liderin təşəbbüsü ilə 1971-ci il iyunun 20-də yaradılan Cəmşid Naxçıvanski adına hərbi məktəb sonrakı illərdə minlərlə peşəkar zabitin yetişməsinə şərait yaradıb. Cəmşid Naxçıvanski adına Hərbi Liseyin yetişdirdiyi milli zabit kadrları istər Aprel döyüşlərində, istərsə də Vətən müharibəsində və Qarabağda keçirilən antiterror tədbirlərində əldə edilən uğurların əsas pay sahiblərindəndirlər.

1993-cü ildə xalqın təkidli tələbi ilə hakimiyyətə qayıdan Ulu Öndər Heydər Əliyev ölkədə hökm sürən siyasi və hərbi böhran şəraitində nizami ordu quruculuğuna başlayıb. Orduda vahid komandanlıq sistemi yaradılıb, pərakəndə silahlı dəstələr ləğv edilib, döyüş qabiliyyətinin artırılması istiqamətində mühüm addımlar atılıb. Məhz bu siyasətin nəticəsi olaraq Azərbaycan Ordusu qısa müddətdə yenidən formalaşıb.

Çətin dönəmə və qeyri-bərabər döyüş şəraitinə baxmayaraq, Azərbaycan Ordusu 1994-cü ilin yanvarında keçirdiyi Horadiz əməliyyatı nəticəsində Füzuli rayonunun 20 kəndini, Horadiz qəsəbəsini və Cəbrayıl rayonunun Cocuq Mərcanlı kəndini işğaldan azad edib. Ulu Öndər Heydər Əliyevin 1998-ci il 22 may tarixli Fərmanına əsasən, 26 İyun - Silahlı Qüvvələr Günü elan olunub.

Prezident İlham Əliyevin rəhbərliyi ilə isə ordu quruculuğu tamamilə yeni mərhələyə qədəm qoyub. Hərbçilərin peşəkarlığının artırılması, şəxsi heyətin döyüş ruhunun, mənəvi-psixoloji hazırlığının yüksəldilməsi istiqamətində ardıcıl və tutarlı addımlar atılıb, müdafiə sahəsinə ayrılan vəsaitlər dəfələrlə artırılıb, ən müasir silah və texnikalar alınıb, yerli müdafiə sənayesi yaradılıb. Azərbaycan Ordusu NATO standartlarına uyğunlaşdırılıb, hərbi qulluqçuların sosial müdafiəsi gücləndirilıb, müasir hərbi şəhərciklər və infrastruktur obyektləri tikilib.

Rəşadətli Ordumuz 2016-cı ilin Aprel döyüşləri və 2018-ci ilin mayında Günnüt zəfəri ilə uğurlu əməliyyatlara imza atıb. Həmin nailiyyətlərin davamı olaraq bir neçə ildən sonra Üçrəngli Bayrağımız Şuşa və Xankəndi zirvəsinə sancılıb...

Azərbaycan Ordusunun gücü yalnız silah və texnika ilə ölçülmür. Onun əsas qüdrəti Vətən sevgisi ilə yaşayan, torpaq uğrunda canından keçməyə hazır olan qəhrəman əsgər və zabitlərindədir. Vətən müharibəsində və antiterror tədbirlərində şəhidlik zirvəsinə ucalan minlərlə igid övladımız xalqımızın qəlbində əbədi yaşayır. Onların qəhrəmanlığı gələcək nəsillər üçün vətənpərvərlik məktəbinə çevrilib.

Azərbaycan Ordusu Vətən müharibəsi zamanı 2 min 900-dən çox əsgər və zabitini şəhid verib. Bu gün Azərbaycanın hər yerində şəhidlərin xatirəsi böyük ehtiramla anılır, onların ailələrinə dövlət qayğısı göstərilir. Zəfər parkları, memorial komplekslər, muzeylər və abidələr tarixi Qələbəmizin gələcək nəsillərə çatdırılmasına xidmət edir. Şəhidlərin qanı ilə yazılmış Zəfər tariximiz xalqımızın milli yaddaşında əbədi yaşayacaq.

Müharibədən sonrakı dövrdə də ordu quruculuğu prosesi uğurla davam edir. Beynəlxalq təlimlərin sayının artırılması, peşəkar hərbi kadrların hazırlanması və yeni texnologiyaların tətbiqi Ordumuzun gücünə güc qatır. Bu gün əminliklə demək olar ki, Azərbaycan Ordusu 2020-ci ildə Zəfər qazanan Ordudan da güclü, daha peşəkar və hazırlıqlıdır.

Bu gün Azərbaycan Silahlı Qüvvələri dünyanın ən güclü orduları sırasında yer alır. Ordumuz müasir pilotsuz uçuş aparatları, yüksəkdəqiqlikli raket sistemləri, müasir artilleriya qurğuları və digər qabaqcıl texnologiyalarla təchiz olunub. Silahlı Qüvvələrimizin türk ordu modelinə keçidi, komando bölmələrinin yaradılması isə Silahlı Qüvvələrimizin çevikliyini və döyüş imkanlarını daha da artırıb.

Vətən müharibəsində qazanılan möhtəşəm Qələbənin 5-ci ildönümü münasibətilə ötən il noyabrın 8-də keçirilən Hərbi parad Azərbaycan Ordusunun keçdiyi inkişaf yolunun, əldə etdiyi hərbi nailiyyətlərin və döyüş hazırlığının növbəti nümayişi kimi yadda qalıb. Parad tarixə təkcə Zəfərin beşinci ildönümünün qeyd edildiyi tədbir kimi deyil, eyni zamanda, Silahlı Qüvvələrimizin döyüş qabiliyyətini, texnoloji üstünlüyünü və peşəkar hazırlığını əks etdirən mühüm hərbi-siyasi mesaj kimi həkk olunub.

Artıq altıncı ildir ki, Azərbaycan Ordusunun şəxsi heyəti Silahlı Qüvvələr Gününü Qarabağ Zəfərinin təntənəsi ilə qeyd edir. İşğaldan azad olunmuş torpaqlarda xidmət edən əsgərlərimizin qürurlu baxışlarında qalib xalqın ruhu görünür. Üçrəngli bayrağımızın dalğalandığı hər zirvə, şəhər və kənd bu qəhrəmanlığın canlı şahididir.

Azərbaycan Ordusu bu gün yalnız dövlətimizin təhlükəsizliyinin qarantı deyil, həm də xalqımızın iradəsinin, milli birliyinin və qalib ruhunun simvoludur. Bu şanlı gün münasibətilə Ordumuzun bütün şəxsi heyətini, veteranlarımızı və hərbçilərimizi təbrik edir, qəhrəman şəhidlərimizin əziz xatirəsini dərin ehtiramla yad edirik. Qoy Azərbaycan əsgərinin ayaq səsləri daim zəfər sorağı gətirsin, üçrəngli bayrağımız əbədi olaraq azad səmalarda dalğalansın! [/yandexrss][shortrss] https://zamanlabirge.az/gundem/7221-prezident-lham-liyev-slam-dyrlrinin-qorunmasna-azrbaycanda-hmi-byk-nm-verilib.html https://zamanlabirge.az/gundem/7221-prezident-lham-liyev-slam-dyrlrinin-qorunmasna-azrbaycanda-hmi-byk-nm-verilib.html Gündəm / Siyasət admin Wed, 24 Jun 2026 12:00:11 +0400 [/shortrss] [fullrss] https://zamanlabirge.az/gundem/7221-prezident-lham-liyev-slam-dyrlrinin-qorunmasna-azrbaycanda-hmi-byk-nm-verilib.html https://zamanlabirge.az/gundem/7221-prezident-lham-liyev-slam-dyrlrinin-qorunmasna-azrbaycanda-hmi-byk-nm-verilib.html ]]> admin Wed, 24 Jun 2026 12:00:11 +0400 [/fullrss] [yandexrss] https://zamanlabirge.az/gundem/7221-prezident-lham-liyev-slam-dyrlrinin-qorunmasna-azrbaycanda-hmi-byk-nm-verilib.html Gündəm / Siyasət Wed, 24 Jun 2026 12:00:11 +0400 Milli-mənəvi dəyərlərimizin tərkib hissəsi olan və dünyada milyardlarla insan üçün mənəvi dayaq və bələdçi rolunu oynayan İslam dəyərlərinin qorunmasına Azərbaycanda həmişə böyük önəm verilib.

Bu fikir Azərbaycan Prezidenti İlham Əliyevin İslam Əməkdaşlıq Təşkilatının üzvü olan dövlətlərin Parlament İttifaqı Konfransının 20-ci Sessiyasının iştirakçılarına müraciətində yer alıb.

“Biz İslamın həmrəylik və qarşılıqlı hörmət prinsiplərinin təbliği istiqamətində müxtəlif təşəbbüslərlə çıxış edir, mütəmadi olaraq İƏT və onun qurumlarının tədbirlərinə ev sahibliyi edirik”, - deyə Azərbaycan Prezidentinin müraciətində vurğulanıb. [/yandexrss][shortrss] https://zamanlabirge.az/gundem/7219-trkmnistan-prezidenti-srdar-berdimhmmdovun-bakda-rsmi-qarlanma-mrasimi-olub.html https://zamanlabirge.az/gundem/7219-trkmnistan-prezidenti-srdar-berdimhmmdovun-bakda-rsmi-qarlanma-mrasimi-olub.html Gündəm / Siyasət admin Mon, 22 Jun 2026 11:32:15 +0400 [/shortrss] [fullrss] https://zamanlabirge.az/gundem/7219-trkmnistan-prezidenti-srdar-berdimhmmdovun-bakda-rsmi-qarlanma-mrasimi-olub.html https://zamanlabirge.az/gundem/7219-trkmnistan-prezidenti-srdar-berdimhmmdovun-bakda-rsmi-qarlanma-mrasimi-olub.html ]]> admin Mon, 22 Jun 2026 11:32:15 +0400 [/fullrss] [yandexrss] https://zamanlabirge.az/gundem/7219-trkmnistan-prezidenti-srdar-berdimhmmdovun-bakda-rsmi-qarlanma-mrasimi-olub.html Gündəm / Siyasət Mon, 22 Jun 2026 11:32:15 +0400 İyunun 22-də Azərbaycan Respublikasına dövlət səfərinə gələn Türkmənistan Prezidenti Sərdar Berdiməhəmmədovun rəsmi qarşılanma mərasimi olub.

Hər iki ölkənin Dövlət bayraqlarının dalğalandığı meydanda Türkmənistan Prezidentinin şərəfinə fəxri qarovul dəstəsi düzülmüşdü.

Azərbaycan Prezidenti İlham Əliyev Türkmənistan Prezidenti Sərdar Berdiməhəmmədovu qarşıladı.

Fəxri qarovul dəstəsinin rəisi Türkmənistan Prezidentinə raport verdi.

Türkmənistanın və Azərbaycan Respublikasının Dövlət himnləri səsləndirildi.

Fəxri qarovul dəstəsi hərbi marşın sədaları altında Azərbaycan Prezidenti İlham Əliyevin və Türkmənistan Prezidenti Sərdar Berdiməhəmmədovun qarşısından keçdi.

Azərbaycan nümayəndə heyətinin üzvləri Türkmənistan Prezidenti Sərdar Berdiməhəmmədova, Türkmənistan nümayəndə heyətinin üzvləri isə Prezident İlham Əliyevə təqdim olundu.

Dövlət başçıları rəsmi foto çəkdirdilər.

[/yandexrss][shortrss] https://zamanlabirge.az/gundem/7218-prezident-ilham-liyevin-istiraki-il-bakida-islam-inkisaf-banki-qrupunun-2026-ci-il-uzr-illik-toplantilarinin-acilis-mrasimi-kecirilib.html https://zamanlabirge.az/gundem/7218-prezident-ilham-liyevin-istiraki-il-bakida-islam-inkisaf-banki-qrupunun-2026-ci-il-uzr-illik-toplantilarinin-acilis-mrasimi-kecirilib.html Gündəm / Siyasət admin Thu, 18 Jun 2026 12:32:49 +0400 [/shortrss] [fullrss] https://zamanlabirge.az/gundem/7218-prezident-ilham-liyevin-istiraki-il-bakida-islam-inkisaf-banki-qrupunun-2026-ci-il-uzr-illik-toplantilarinin-acilis-mrasimi-kecirilib.html https://zamanlabirge.az/gundem/7218-prezident-ilham-liyevin-istiraki-il-bakida-islam-inkisaf-banki-qrupunun-2026-ci-il-uzr-illik-toplantilarinin-acilis-mrasimi-kecirilib.html ]]> admin Thu, 18 Jun 2026 12:32:49 +0400 [/fullrss] [yandexrss] https://zamanlabirge.az/gundem/7218-prezident-ilham-liyevin-istiraki-il-bakida-islam-inkisaf-banki-qrupunun-2026-ci-il-uzr-illik-toplantilarinin-acilis-mrasimi-kecirilib.html Gündəm / Siyasət Thu, 18 Jun 2026 12:32:49 +0400 İyunun 18-də Bakıda İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib.

Azərbaycan Respublikasının Prezidenti İlham Əliyev tədbirdə iştirak edib.

Əvvəlcə birgə foto çəkdirildi.

Azərbaycan Respublikasının Dövlət Himni səsləndirildi.

Sonra “Qurani-Kərim”dən ayə oxundu.

Daha sonra İslam İnkişaf Bankı (IsDB) haqqında videoçarx nümayiş olundu.

Dövlətimizin başçısı tədbirdə çıxış etdi.

Sonra İslam İnkişaf Bankı (İİB) Qrupunun sədri Məhəmməd Süleyman Əl-Casir və Azərbaycanın iqtisadiyyat naziri Mikayıl Cabbarov çıxış etdilər.

Daha sonra sənədlər imzalandı.

[/yandexrss][shortrss] https://zamanlabirge.az/gundem/7217-17-yun-tibb-ilrinin-pe-bayram-gndr.html https://zamanlabirge.az/gundem/7217-17-yun-tibb-ilrinin-pe-bayram-gndr.html Gündəm / Cəmiyyət admin Wed, 17 Jun 2026 10:20:52 +0400 [/shortrss] [fullrss] https://zamanlabirge.az/gundem/7217-17-yun-tibb-ilrinin-pe-bayram-gndr.html https://zamanlabirge.az/gundem/7217-17-yun-tibb-ilrinin-pe-bayram-gndr.html ]]> admin Wed, 17 Jun 2026 10:20:52 +0400 [/fullrss] [yandexrss] https://zamanlabirge.az/gundem/7217-17-yun-tibb-ilrinin-pe-bayram-gndr.html Gündəm / Cəmiyyət Wed, 17 Jun 2026 10:20:52 +0400 Hər il iyunun 17-si xalqımızın ümummilli lideri Heydər Əliyevin 2001-ci il iyunun 4-də imzaladığı Sərəncama əsasən, ölkəmizdə Tibb İşçilərinin Peşə Bayramı Günü kimi qeyd olunur.
Həmin gün öz başlanğıcını Azərbaycan Xalq Cümhuriyyətindən götürür. Şərqdə ilk demokratik respublikası olan Milli hökumətin ilk qərarlarından biri 1918-ci il iyun ayının 17-də Səhiyyə Nazirliyinin yaradılması ilə əlaqədar olub. İlk səhiyyə və sosial təminat naziri vəzifəsinə ixtisasca cərrah olan Xudadat bəy Rəfibəyli təyin edilib. Onun rəhbərliyi müddətində dövlət hesabına pulsuz xəstəxanalar açılıb, yeni tibb ocaqlarının və laboratoriyaların tikintisinə başlanılıb və yoluxucu xəstəliklərə qarşı mübarizə tədbirləri görülüb.
Azərbaycanın səhiyyə işçiləri bütün dövrlərdə tibbi xidmətin səviyyəsini yaxşılaşdırmağa səy göstəriblər. Əziz Əliyev, Zərifə Əliyeva, Mirməmməd Cavadzadə, Tamerlan Əliyev, Böyükkişi Ağayev, Adilə Namazova, İbrahim Topçubaşov kimi tanınmış alimlər Azərbaycan tibb elminə əvəzsiz töhfələr veriblər.
Azərbaycan səhiyyəsinin ötən əsrin 70-ci illərindən sonrakı inkişafı ulu öndər Heydər Əliyevin adı ilə bağlıdır. Belə ki, əksər iri tibb müəssisələri məhz Ümummilli Liderin hakimiyyəti dövrlərində inşa edilib. Yalnız paytaxtda deyil, regionlarda da çoxprofilli xəstəxanalar əhalinin istifadəsinə verilib. Müdrik siyasətçinin ölkəmizə rəhbərlik etdiyi illərdə bir çox mütəxəssislər tibb biliklərinin təkmilləşdirilməsi üçün xaricə göndərilir, öz peşə və bacarıqlarını inkişaf etdirib Vətənə qayıdıblar.
Azərbaycan Prezidenti İlham Əliyevin düşünülmüş siyasəti, gərgin zəhməti sayəsində ölkəmizdə bütün sahələrdə dinamik inkişaf templəri müşahidə edilir. Müasir dövrün tələblərinə uyğun olaraq, milli səhiyyə sistemində mütərəqqi idarəetmə texnologiyalarının tətbiqi, innovativ layihələrin reallaşması, yüksək İKT tətbiqlərin istifadəsi ilə səhiyyənin rəqəmsallaşdırılması, uğurlu menecment sisteminin istifadəsi sahəsində müxtəlifyönümlü işlər icra olunur.
Heydər Əliyev Fondu və onun rəhbəri, Azərbaycanın Birinci vitse-prezidenti Mehriban xanım Əliyeva da daima əhalinin sağlamlığının qorunmasına qayğı göstərir. Birinci vitse-prezidentin təşəbbüsü ilə səhiyyənin ən çətin problemlərinin həlli üçün icra edilən proqramlar əhalinin, xüsusən də gənc nəslin sağlamlığının qorunmasında mühüm rol oynayır.
Görülən işlərin uğurlu nəticəsidir ki, bu gün sağlamlıq göstəricilərinə görə ölkəmizin beynəlxalq arenada mövqeyi möhkəmlənməkdədir. Səhiyyə sahəsində həyata keçirilən məqsədyönlü islahatlar Ümumdünya Səhiyyə Təşkilatı və digər beynəlxalq qurumlar tərəfindən müsbət qiymətləndirilib.
Səhiyyə Nazirliyi tərəfindən son illər elektron sənəd dövriyyəsinə keçid, səhiyyə sistemində rəqəmsal və innovativ texnologiyalardan istifadəsi sair istiqamətlərdə mühüm addımlar atılıb. Bundan əlavə, işğaldan azad olunan ərazilərə “Böyük Qayıdış” Proqramı çərçivəsində davamlı olaraq təşkil olunan tədbirlər zamanı vətəndaşlar arasında müxtəlif tibbi müayinələr, eyni zamanda sağlamlığın təşviqi istiqamətində maarifləndirici aksiyalar təşkil edilir. Həmçinin, nazirliyin müharibə veteranları və şəhid ailələrinə psixoloji yardım və tibbi reabilitasiya üzrə 9109 qısa nömrəli “Çağrı Mərkəzi” istifadəyə verilib.
Son dörd ildə Azərbaycan tibb işçiləri iki sınağdan uğurla çıxıblar. COVID-19 pandemiyası Azərbaycanın səhiyyə sahəsində fövqəladə vəziyyətlərə yüksək hazırlıq səviyyəsini göstərib. Digər imtahan isə işğal olunan ərazilərimizin azad edilməsi üçün 44-günlük Vətən müharibəsində yaralananların həyatı uğrunda savaş olub. Azərbaycanın tibb işçiləri ordusu hər bir yaralının xilası, normal həyata qayıtması uğrunda güvvələrini səfərbər edərək yüksək əzmkarlıqla şücaət göstərdilər və bu gün də çalışmaqdadırlar.
Əfsuslar olsun ki, həkimlik andına sadiq qalan, hər bir xəstənin, yaralının həyatına öz həyatı kimi münasibət bəsləyən tibb işçilərimiz arasında həm pandemiya dönəmində, həm də Vətən müharibəsində itkilərimiz olub. 44 Günlük Vətən müharibəsində 159 hərbi tibb işçisi müxtəlif dərəcəli bədən xəsarəti alıb. 11 həkim, 7 feldşer və 26 tibbi təlimatçı olmaqla ümumilikdə 44 tibb işçisi qəhrəmancasına şəhid olub. Onların hər birinin əziz xatirəsi bizim qəlbimizdə əbədi yaşayacaqdır.
Hippokrat andı içən şərəfli peşə sahibləri, fədakar tibb işçiləri ən ağır və çıxılmaz vəziyyətlərdə də ümid işığı yandırmaq, şəfasıza şəfa, çarəsizə çarə vermək üçün hər cür zəhmətə qatlaşırlar. Elə bu nəcib peşələrinə görə tibb işçiləri hər cür hörmət və ehtirama layiqdirlər. [/yandexrss]