https://zamanlabirge.az/ tr[shortrss] https://zamanlabirge.az/iqtisadiyyat/7242-xocal-v-xocavndin-bir-sra-knd-v-qsblrinin-elektrik-bksi-yenidn-qurulur.html https://zamanlabirge.az/iqtisadiyyat/7242-xocal-v-xocavndin-bir-sra-knd-v-qsblrinin-elektrik-bksi-yenidn-qurulur.html İqtisadiyyat admin Sun, 09 Aug 2026 23:53:01 +0400 [/shortrss] [fullrss] https://zamanlabirge.az/iqtisadiyyat/7242-xocal-v-xocavndin-bir-sra-knd-v-qsblrinin-elektrik-bksi-yenidn-qurulur.html https://zamanlabirge.az/iqtisadiyyat/7242-xocal-v-xocavndin-bir-sra-knd-v-qsblrinin-elektrik-bksi-yenidn-qurulur.html ]]> admin Sun, 09 Aug 2026 23:53:01 +0400 [/fullrss] [yandexrss] https://zamanlabirge.az/iqtisadiyyat/7242-xocal-v-xocavndin-bir-sra-knd-v-qsblrinin-elektrik-bksi-yenidn-qurulur.html İqtisadiyyat Sun, 09 Aug 2026 23:53:01 +0400 Doğma yurda köç etmiş sakinlərin keyfiyyətli elektrik enerjisi ilə təmin olunması üçün “Azərişıq” ASC ölkənin bütün regionlarında olduğu kimi Qarabağ və Şərqi Zəngəzurda da əsaslı təmir, yenidənqurma işlərini davam etdirir. Xocalı və Xocavənd rayonlarının bir sıra kənd və qəsəbələrinin elektrik şəbəkəsi yenidən qurulur.

Bu barədə ASC-dən bildirilib. Qeyd olunub ki, Xocalı və Xocavəndin 30-a yaxın kəndinin daxili və xarici elektrik təsərrüfatının yenilənməsi işləri görülür. Kəndlərdə 100-ə yaxın müxtəlif güclü 35/0.4 kV-luq Komplekt Transformator Məntəqələri (KTM) quraşdırılıb. Həmçinin yaşayış məntəqələrində 0.4 və 35 kV-luq metal dayaqlar basdırılır, izolyasiyalı xətlər çəkilir.

Xocalı şəhərində 10 müasir tipli müxtəlif gücdə KTM quraşdırılıb. Yenidənqurma işləri rayonun Badara, Ballıca, Daşbulaq, Təzəbinə, Seyidbəyli və Xanyurdu kəndlərində başa çatıb. Həmçinin Şuşakənd və Xanobad kəndlərinə 35 kV-luq Özünüdaşıyan İzolyasiyalı Naqillərin (ÖİN-3) çəkilişi davam edir.

Xocavəndin Hadrut, Qırmızı Bazar qəsəbələri, Sos kəndinə köçürülən ailələr də dayanıqlı və keyfiyyətli elektrik enerjisi ilə təmin olunub. Sözügedən yaşayış məntəqələrində elektrik şəbəkələrinin yenidən qurulması ilə yanaşı, həm də mövcud 10 və 35 kV-luq hava xətlərində, güc transformatorlarında təmir-bərpa işləri aparılıb, smart sayğaclar quraşdırılıb. Hazırda şəhər ərazisi ilə yanaşı, Çörəkli, Güneyxırman, Qarakənd, Quzeyxırman, Xanoba kəndlərində təmir-bərpa və yenidənqurma işləri davam edir.

Vətəndaşların dayanıqlı və fasiləsiz elektrik enerjisi ilə təmin olunması, elektrik enerjisi itkilərinin minimuma endirilməsi məqsədilə “Azərişıq” ASC ölkənin bütün regionlarında elektrik şəbəkəsinin yenilənməsi və əsaslı təmir işlərini davam etdirir. [/yandexrss][shortrss] https://zamanlabirge.az/iqtisadiyyat/7236-azrbaycanda-torpaqlarn-konsolidasiyas-mexanizminin-yaradlmas-il-bal-trkiy-tcrbsi-yrnilir.html https://zamanlabirge.az/iqtisadiyyat/7236-azrbaycanda-torpaqlarn-konsolidasiyas-mexanizminin-yaradlmas-il-bal-trkiy-tcrbsi-yrnilir.html İqtisadiyyat admin Mon, 27 Jul 2026 22:10:03 +0400 [/shortrss] [fullrss] https://zamanlabirge.az/iqtisadiyyat/7236-azrbaycanda-torpaqlarn-konsolidasiyas-mexanizminin-yaradlmas-il-bal-trkiy-tcrbsi-yrnilir.html https://zamanlabirge.az/iqtisadiyyat/7236-azrbaycanda-torpaqlarn-konsolidasiyas-mexanizminin-yaradlmas-il-bal-trkiy-tcrbsi-yrnilir.html ]]> admin Mon, 27 Jul 2026 22:10:03 +0400 [/fullrss] [yandexrss] https://zamanlabirge.az/iqtisadiyyat/7236-azrbaycanda-torpaqlarn-konsolidasiyas-mexanizminin-yaradlmas-il-bal-trkiy-tcrbsi-yrnilir.html İqtisadiyyat Mon, 27 Jul 2026 22:10:03 +0400 Azərbaycan Respublikası Prezidentinin 2026-cı il 25 may tarixli Sərəncamı ilə təsdiq edilmiş "Azərbaycan Respublikasında kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026-2030-cu illər üçün Dövlət Proqramı"nda torpaqların konsolidasiyası mexanizminin yaradılması və pilot layihə olaraq tətbiq edilməsi üzrə tədbirin icrası çərçivəsində Dünya Bankı ilə birgə Qəbələ və Salyan rayonlarında torpaqların konsolidasiyası üzrə iki pilot layihənin həyata keçirilməsi nəzərdə tutulub.

Kənd Təsərrüfatı Nazirliyindən bildirilib ki, pilot layihələrin həyata keçirilməsində Türkiyə təcrübəsinin öyrənilməsi və bu sahədə əməkdaşlığın genişləndirilməsi məqsədilə Türkiyənin Kənd Təsərrüfatı və Meşəçilik Nazirliyinin tabeliyində fəaliyyət göstərən Dövlət Su İşləri İdarəsinin nümayəndə heyəti Azərbaycanda işgüzar səfərdə olub.

Səfər çərçivəsində Türkiyə nümayəndə heyəti nazirliyin mütəxəssisləri ilə birlikdə Qəbələ və Salyan rayonlarında pilot layihələrin həyata keçiriləcəyi ərazilərə baxış keçiriblər. Ərazidə aparılan müşahidələr zamanı torpaq sahələrinin mövcud vəziyyəti, suvarma infrastrukturu və yerli şərait qiymətləndirilib. Həmçinin yerli icra hakimiyyətlərinin, İqtisadiyyat Nazirliyi yanında Əmlak Məsələləri Dövlət Xidməti, Azərbaycan Dövlət Su Ehtiyatları Agentliyinin və digər aidiyyəti qurumların nümayəndələrinin iştirakı ilə müzakirələr aparılıb.

Sahələrdə aparılan ilkin təhlillər nəticəsində Qəbələ və Salyanda müəyyən edilmiş ərazilərin Azərbaycanda ilk dəfə həyata keçiriləcək torpaq konsolidasiyası layihələrinin icrası üçün əlverişli olduğu qeyd edilib. Türkiyə təcrübəsi əsasında layihələrin həyata keçirilməsi ilə bağlı Kənd Təsərrüfatı Nazirliyinin mütəxəssisləri ilə birgə ilkin yol xəritəsi hazırlanaraq müzakirə olunub.

Həyata keçirilən əməkdaşlıq torpaqların konsolidasiyası sahəsində beynəlxalq təcrübənin ölkəmizdə tətbiqinə, pilot layihələrin uğurla icrasına, eləcə də Azərbaycan və Türkiyə arasında aqrar sahədə tərəfdaşlığın daha da genişləndirilməsinə xidmət edəcək.

[/yandexrss][shortrss] https://zamanlabirge.az/iqtisadiyyat/7230-energetika-naziri-vtndalarn-mracitlrini-dinlyib.html https://zamanlabirge.az/iqtisadiyyat/7230-energetika-naziri-vtndalarn-mracitlrini-dinlyib.html İqtisadiyyat admin Fri, 10 Jul 2026 21:46:12 +0400 [/shortrss] [fullrss] https://zamanlabirge.az/iqtisadiyyat/7230-energetika-naziri-vtndalarn-mracitlrini-dinlyib.html https://zamanlabirge.az/iqtisadiyyat/7230-energetika-naziri-vtndalarn-mracitlrini-dinlyib.html ]]> admin Fri, 10 Jul 2026 21:46:12 +0400 [/fullrss] [yandexrss] https://zamanlabirge.az/iqtisadiyyat/7230-energetika-naziri-vtndalarn-mracitlrini-dinlyib.html İqtisadiyyat Fri, 10 Jul 2026 21:46:12 +0400 Energetika naziri Pərviz Şahbazovun iştirakı ilə nazirlikdə növbəti dəfə vətəndaşlarla görüş keçirilib.

Energetika Nazirliyindən bildirilib ki, görüş zamanı elektrik qurğu və avadanlıqlarının istismar vəziyyəti və digər mövzularla bağlı müraciətlər dinlənilib, vətəndaşları narahat edən məsələlərin qanunvericiliyin tələblərinə uyğun həlli üçün aidiyyəti struktur bölmələrə müvafiq tapşırıqlar verilib.

Nazirlik tərəfindən vətəndaş müraciətlərinə baxılması işinin səmərəli təşkili məqsədilə rəhbər vəzifəli şəxslərin 2026-cı il üzrə vətəndaş qəbulu qrafiki nazirliyin rəsmi internet səhifəsində yerləşdirilib. [/yandexrss][shortrss] https://zamanlabirge.az/iqtisadiyyat/7225-bakkartn-sat-qiymti-50-faiz-bahalad.html https://zamanlabirge.az/iqtisadiyyat/7225-bakkartn-sat-qiymti-50-faiz-bahalad.html İqtisadiyyat admin Wed, 01 Jul 2026 11:04:22 +0400 [/shortrss] [fullrss] https://zamanlabirge.az/iqtisadiyyat/7225-bakkartn-sat-qiymti-50-faiz-bahalad.html https://zamanlabirge.az/iqtisadiyyat/7225-bakkartn-sat-qiymti-50-faiz-bahalad.html ]]> admin Wed, 01 Jul 2026 11:04:22 +0400 [/fullrss] [yandexrss] https://zamanlabirge.az/iqtisadiyyat/7225-bakkartn-sat-qiymti-50-faiz-bahalad.html İqtisadiyyat Wed, 01 Jul 2026 11:04:22 +0400 Bu gündən etibarən “BakıKart” kartlarının satış qiyməti 2 manatdan 3 manata qaldırılıb.

Bu barədə “BakıKart” rəsmi sosial şəbəkə hesabında paylaşım edilib.

Bildirilib ki, “BakıKart” kartları 2015-ci ildən etibarən sərnişinlərin istifadəsinə təqdim olunub.

“Bu müddət ərzində kartın satış qiymətində dəyişiklik edilməyib. Kart istehsalı, texniki xidmət, logistika və infrastruktur xərclərində baş verən artımlar nəzərə alınaraq qiymətə yenidən baxılıb”, - deyə məlumatda vurğulanıb.

Əlavə edilib ki, bu dövr ərzində sərnişinlər üçün NFC, QR və bank kartları ilə ödəniş imkanları istifadəyə verilib, rəqəmsal xidmətlər daha da genişləndirilib.

Qeyd edilib ki, dəyişiklik yalnız yeni əldə edilən “BakıKart” kartlarının satış qiymətinə aiddir. Kart balanslarında da hər hansı dəyişiklik edilməyəcək. [/yandexrss][shortrss] https://zamanlabirge.az/iqtisadiyyat/7212-mcnun-mmmdov-yeni-dvlt-proqram-rivsind-subsidiyalarn-daha-ox-mhsuldarla-ynldilmsi-nzrd-tutulur.html https://zamanlabirge.az/iqtisadiyyat/7212-mcnun-mmmdov-yeni-dvlt-proqram-rivsind-subsidiyalarn-daha-ox-mhsuldarla-ynldilmsi-nzrd-tutulur.html İqtisadiyyat admin Tue, 16 Jun 2026 21:05:57 +0400 [/shortrss] [fullrss] https://zamanlabirge.az/iqtisadiyyat/7212-mcnun-mmmdov-yeni-dvlt-proqram-rivsind-subsidiyalarn-daha-ox-mhsuldarla-ynldilmsi-nzrd-tutulur.html https://zamanlabirge.az/iqtisadiyyat/7212-mcnun-mmmdov-yeni-dvlt-proqram-rivsind-subsidiyalarn-daha-ox-mhsuldarla-ynldilmsi-nzrd-tutulur.html ]]> admin Tue, 16 Jun 2026 21:05:57 +0400 [/fullrss] [yandexrss] https://zamanlabirge.az/iqtisadiyyat/7212-mcnun-mmmdov-yeni-dvlt-proqram-rivsind-subsidiyalarn-daha-ox-mhsuldarla-ynldilmsi-nzrd-tutulur.html İqtisadiyyat Tue, 16 Jun 2026 21:05:57 +0400 Subsidiyaya köklü dəyişiklik onun məğzindən ibarətdir. İndiyə kimi subsidiyalar əsasən əkin istiqamətli olub və əsas gözlənti əkinin həyata keçirilməsi, aqrotexniki tədbirlərin görülməsi və məhsul istehsalına nail olunması idi. Lakin aqrar sahə üzrə 2026–2030-cu illəri əhatə edən Dövlət Proqramına, cənab Prezidentin imzaladığı fərmanlarla edilən dəyişikliklərə və yeni qanunvericilik təşəbbüslərinə əsasən subsidiyaların daha çox məhsuldarlığa yönəldilməsi, yəni məhsul istehsalı yönümlü subsidiyaların genişləndirilməsi nəzərdə tutulur.

Bu sözləri kənd təsərrüfatı naziri Məcnun Məmmədov söyləyib.

Nazir əvvəllər sadəcə şəkər çuğunduru, pambıq və tütün üzrə məhsul subsidiyası verildiyini xatırladaraq deyib: “Əslində, bu məhsul subsidiyalarının illər üzrə məhsuldarlığa necə təsir etdiyini görmüşük. Əgər 2017-2018-ci illərdə ölkə üzrə məhsuldarlıq pambıqda orta hesabla 11 sentner idisə, keçən il 36 sentner oldu. Yəni üç dəfədən çox artım müşahidə etdik. Eləcə də tütündə və şəkər çuğundurunda da eyni misalı göstərə bilərik. Keçən ildən qarğıdalı və günəbaxan tumlarının istehsalında məhsul subsidiyası tətbiq etməyə başlamışıq. Bu ildən meyvəçilikdə alma və nar istehsalı üzrə məhsul subsidiyası verilməsi nəzərdə tutulur. Dövlət Proqramı çərçivəsində məhsul subsidiyasını bitkiçilik sahəsi üzrə ildən-ilə artırmaq niyyətindəyik. Ərzaqlıq buğda subsidiyası var və yeni proqram çərçivəsində bunu da genişləndirməyi düşünürük. Əgər əvvəl subsidiya sadəcə müasir suvarma sistemi qurmuş fermerə tətbiq olunurdusa, yeni Dövlət Proqramı çərçivəsində, həmçinin emal sənayesinə də subsidiya verilməsi nəzərdə tutulur. Bundan əlavə, heyvandarlıq istiqamətində - həm ətlik, həm damazlıq istiqamətində, eyni zamanda süd məhsulu üzrə də subsidiyanın verilməsi planlaşdırılır”. [/yandexrss][shortrss] https://zamanlabirge.az/iqtisadiyyat/7206-bak-enerji-hftsi-rivsind-maliyy-dyri-8-milyard-dollara-yaxn-olan-mqavillr-imzalanb.html https://zamanlabirge.az/iqtisadiyyat/7206-bak-enerji-hftsi-rivsind-maliyy-dyri-8-milyard-dollara-yaxn-olan-mqavillr-imzalanb.html İqtisadiyyat admin Tue, 02 Jun 2026 10:41:34 +0400 [/shortrss] [fullrss] https://zamanlabirge.az/iqtisadiyyat/7206-bak-enerji-hftsi-rivsind-maliyy-dyri-8-milyard-dollara-yaxn-olan-mqavillr-imzalanb.html https://zamanlabirge.az/iqtisadiyyat/7206-bak-enerji-hftsi-rivsind-maliyy-dyri-8-milyard-dollara-yaxn-olan-mqavillr-imzalanb.html ]]> admin Tue, 02 Jun 2026 10:41:34 +0400 [/fullrss] [yandexrss] https://zamanlabirge.az/iqtisadiyyat/7206-bak-enerji-hftsi-rivsind-maliyy-dyri-8-milyard-dollara-yaxn-olan-mqavillr-imzalanb.html İqtisadiyyat Tue, 02 Jun 2026 10:41:34 +0400 Bakı Enerji Həftəsi və 1-ci Azərbaycan–ABŞ İqtisadi Dialoqu çərçivəsində Azərbaycanın Respublikasının İqtisadiyyat Nazirliyi və SOCAR tərəfindən ABŞ, Türkiyə, Serbiya, San-Marino və Fransa kimi müxtəlif ölkələrin qabaqcıl şirkət və qurumları ilə iqtisadiyyat, enerji, investisiya və rəqəmsal texnologiyalar sahələrini əhatə edən, ümumi maliyyə dəyəri 7,5 milyard dollar olan bir sıra mühüm saziş və memorandumlar imzalanıb.

İmzalanan bu müqavilələr ABŞ-Azərbaycan münasibətlərinin ənənəvi enerji tərəfdaşlığından strateji, şaxələndirilmiş və yüksək texnoloji iqtisadi müttəfiqliyə keçdiyini göstərir.

1-ci Azərbaycan–ABŞ İqtisadi Dialoqunun protokolu və ümumi 7,5 milyard dollarlıq portfel iki ölkə arasındakı iqtisadi münasibətlərin artıq daha sistemli, yüksəksəviyyəli və rəsmi bir platformaya (institusional müstəviyə) daşındığının sübutudur.

Bu razılaşmalar, həmçinin dünyanın ən böyük maliyyə, investisiya korporasiyalarının (“JP Morgan”, “Apollo Global Management”), energetika nəhənglərinin (“Chevron”, “Comstock Resources”) SOCAR-la və TANAP layihəsi ilə irimiqyaslı maliyyə sazişləri imzalaması, ABŞ biznesinin Azərbaycan iqtisadiyyatının sabitliyinə və uzunmüddətli kapital potensialına olan güclü etimadını əks etdirir.

Bu sənədlərdən biri “Kritik mineralların və nadir torpaq elementlərinin hasilatı və emalında təchizatın təmin edilməsi” adlı Azərbaycan və ABŞ arasında imzalanan çərçivə sənədidir. Sənədi Azərbaycan tərəfindən iqtisadiyyat naziri Mikayıl Cabbarov, ABŞ tərəfindən isə ABŞ Dövlət katibinin iqtisadi, enerji və biznes məsələləri üzrə köməkçisi Kaleb Orr imzalayıb.

Bununla yanaşı, SOCAR, “TotalEnergies”, XRG və BOTAŞ arasında “Abşeron” qaz-kondensat yatağının tammiqyaslı işlənməsindən hasil olunacaq təbii qazın bir hissəsinin - hasilatın 50 faizinin (30 milyard kub metr) 15 il müddətində Türkiyə bazarına uzunmüddətli satışı üzrə saziş imzalanıb. Sənədi SOCAR-ın prezidenti Rövşən Nəcəf, “TotalEnergies”in kəşfiyyat və hasilat üzrə Avropa regionu üzrə böyük vitse-prezidenti Martina Opizzi, XRG-in beynəlxalq qaz üzrə prezidenti Mohammed Al Aryani, BOTAŞ-ın direktoru və direktorlar şurasının sədri Abdulvahit Fidan imzalayıblar.

Digər imzalanan sənədlər Niş CCGT layihəsi ilə bağlıdır. Belə ki, SOCAR və “Serbiya Elektrik Enerjisi Sənayesi” (EPS) arasında Serbiyanın Niş şəhərində qaz elektrik stansiyasının tikintisi üzrə birgə müəssisənin səhmdarlar sazişinin əsas şərtləri və layihənin əsas kommersiya elementlərinin müəyyən edilməsi üzrə əsas şərtlər sənədi imzalanıb. Sənədə SOCAR-ın prezidenti Rövşən Nəcəf və EPS-in baş direktoru Duşan Jivkoviç imza atıb.

Həmçinin SOCAR ilə “Shell” arasında enerji sahəsinin müxtəlif istiqamətləri üzrə potensial əməkdaşlığın baza prinsiplərini müəyyən edən Anlaşma Memorandumu imzalanıb. Sənəd mövcud hasilat aktivlərində səmərəliliyin artırılması, yeni yataqların kəşfiyyatı və işlənməsi, “Downstream” və LNG layihələrində iştirak, süni intellektdən istifadə, eləcə də texnologiya, bilik və insan kapitalının inkişafı istiqamətlərini əhatə edir. Sənədi SOCAR prezidenti Rövşən Nəcəf, “Shell”in şirkət və payların satınalınmaları, divestisiyalar və yeni biznesin inkişafı üzrə icraçı vitse-prezident Valid Hadi imzalayıb.

Bundan başqa, SOCAR və AASS şirkəti arasında San-Marinoya qaz satışını nəzərdə tutan saziş imzalanıb. Sazişə əsasən, 2026-cı ilin oktyabr ayından qazın təchizatı həyata keçiriləcək. Sənədə SOCAR tərəfindən Rövşən Nəcəf, AASS tərəfindən baş menecer Marcello Forcellini imza atıb.

SOCAR ilə ABŞ-nin “Comstock Resources” şirkəti arasında mövcud və yeni qaz yataqlarında, eləcə də bu yataqlara xidmət edən infrastruktur layihələrində potensial əməkdaşlıq və investisiya imkanlarının araşdırılmasına dair Anlaşma Memorandumu imzalanıb. Sənədi SOCAR prezidenti Rövşən Nəcəf, “Comstock Resources”in maliyyə və investorlarla əlaqələr üzrə vitse-prezidenti Ron Mills imzalayıb.

Bunlara əlavə olaraq, SOCAR və “JP Morgan” arasında strateji layihələrin maliyyələşdirilməsi sahəsində uzunmüddətli əməkdaşlığın genişləndirilməsi və SOCAR-ın uzunmüddətli kapitala çıxış imkanlarının artırılması üzrə Anlaşma Memorandumu imzalanıb. Sənədi SOCAR prezidenti Rövşən Nəcəf, “JP Morgan” şirkətinin mərkəzi və Şərqi Avropa, Yaxın Şərq və Afrika regionunda kredit və strukturlaşdırılmış kreditlər üzrə vitse-prezidenti Martinas Saltenis imzalayıb.

SOCAR ilə “Chevron” arasında Orta Xəzər hövzəsinin Azərbaycan sektorunun neft-qaz perspektivliyinin qiymətləndirilməsi məqsədilə birgə texniki tədqiqatın aparılmasına dair Birgə Tədqiqat Sazişi imzalanıb. Sənədi SOCAR tərəfindən Rövşən Nəcəf, “Chevron” tərəfindən şirkətin Avrasiya üzrə İcraçı direktor Derek Magness imzalayıb.

SOCAR və “Apollo Global Management” arasında TANAP layihəsi üzrə investisiya dəstəyi haqqında saziş imzalanıb. Sənəddə TANAP layihəsi üzrə strateji maliyyə əməkdaşlığı; “Apollo” “SOCAR Türkiyə”nin TANAP-da 7 faizlik payını saxlayan holdinq şirkətində minoritar və qeyri-nəzarət payları əldə edir. Sənədə SOCAR tərəfindən qurumun prezidenti Rövşən Nəcəf, “Apollo Global Management” tərəfindən şirkətin idarəedici direktoru Jonathan Bar imza atıb.

SOCAR və “Apollo Capital Management” arasında enerji maliyyələşdirilməsi sahəsində əməkdaşlığın genişləndirilməsinə dair də Anlaşma Memorandumu imzalanıb. Sənəddə TANAP üzrə mövcud maliyyələşmənin 300 milyon dollaradək artırılması və SOCAR Qrupunun digər aktivləri üzrə maliyyələşmə mexanizmlərinin araşdırılması nəzərdə tutulur. Tərəfləri SOCAR prezidenti Rövşən Nəcəf, “Apollo Capital Management”in idarəedici direktoru Jonathan Bar təmsil edib.

Həmçinin SOCAR və Corc Vaşinqton Universiteti (GWU) arasında “Washington Hub” platforması çərçivəsində əməkdaşlıq üzrə Anlaşma Memorandumu imzalanıb. Sənəddə “Washington Hub” platforması çərçivəsində qarşılıqlı maraq sahələrinin müəyyən edilməsi və birgə layihələrin həyata keçirilməsi üzrə əsas prinsiplərin razılaşdırılması qeyd olunur. Sənədi SOCAR prezidenti Rövşən Nəcəf, GWU qlobal təşəbbüslər üzrə dekan köməkçisi Sevinc Məmmədova imzalayıb.

SOCAR və “Haimaker.ai” arasında Süni İntellekt Bulud İnfrastrukturunun inkişafına dair əməkdaşlıq haqqında Saziş imzalanıb. Sənədə SOCAR prezidenti Rövşən Nəcəf, “Haimaker.ai” şirkətinin baş icraçı direktor və həmtəsisçi Su Le imza atıb.

Daha sonra Azərbaycan və ABŞ arasında 1-ci Azərbaycan–ABŞ İqtisadi Dialoqunun protokolu imzalanıb. Protokol iclasın nəticələrini özündə əks etdirir. Sənədə Azərbaycan tərəfindən iqtisadiyyat naziri Mikayıl Cabbarov, ABŞ tərəfindən Kaleb Orr imza atıb.

İqtisadiyyat Nazirliyi ilə “Oracle” şirkəti arasında əməkdaşlıq çərçivəsinin müəyyən edilməsi məqsədilə Anlaşma Memorandumu imzalanıb. İqtisadiyyat Nazirliyi adından sənədi nazir müavini Səməd Bəşirli, “Oracle” şirkəti adından isə baş vitse-prezident Jason Rees imzalayıb.

Eyni zamanda, SOCAR ilə “Lummus Technology” arasında Strateji Əməkdaşlıq Sazişi imzalanıb. Saziş neft emalı və neft-kimya sahələrində əməkdaşlıq çərçivəsinin müəyyən edilməsini, texnoloji infrastrukturun inkişafını, mühəndislik işlərinin həyata keçirilməsini və potensial lisenziya proseslərini, o cümlədən “Petkim” “Master Plan” layihəsi üzrə lisenziyaların əldə olunmasını əhatə edir. SOCAR adından sənədi prezident Rövşən Nəcəf, “Lummus Technology” adından isə Yaxın Şərq və Şimali Afrika (MENA) regionu üzrə vitse-prezident və baş direktor Lummus Technology Fadi Mhaini imzalayıb.

Qeyd edək ki, imzalanan sənədlər (investisiya dəyəri 7,5 milyard dollar) Azərbaycan–ABŞ iqtisadi əməkdaşlığının enerji, investisiya, innovasiya və strateji resursların idarə olunması sahələrində yeni mərhələyə keçdiyini nümayiş etdirir. [/yandexrss][shortrss] https://zamanlabirge.az/iqtisadiyyat/7202-geosiyasi-grginlik-neft-bazarn-daxilindn-silklyir.html https://zamanlabirge.az/iqtisadiyyat/7202-geosiyasi-grginlik-neft-bazarn-daxilindn-silklyir.html İqtisadiyyat admin Tue, 26 May 2026 19:58:55 +0400 [/shortrss] [fullrss] https://zamanlabirge.az/iqtisadiyyat/7202-geosiyasi-grginlik-neft-bazarn-daxilindn-silklyir.html https://zamanlabirge.az/iqtisadiyyat/7202-geosiyasi-grginlik-neft-bazarn-daxilindn-silklyir.html ]]> admin Tue, 26 May 2026 19:58:55 +0400 [/fullrss] [yandexrss] https://zamanlabirge.az/iqtisadiyyat/7202-geosiyasi-grginlik-neft-bazarn-daxilindn-silklyir.html İqtisadiyyat Tue, 26 May 2026 19:58:55 +0400 ABŞ ilə İran arasında atəşkəs rejiminin elan edilməsinə və Qətərdə danışıqlara baxmayaraq, ötən gecə ABŞ Hərbi Dəniz Qüvvələri İranın körfəz sahilindəki bir sıra hərbi bazalarını atəşə tutub.

İranın 2 dəniz mühafizə gəmisi məhv edilib. Bu xəbər birjalara çatan kimi dünya bazarında neftin qiyməti 1 faizdən çox artıb. Mayın 25-də 96 dollara satılan “Brent” markalı neftin 1 barelinin qiyməti 97,32 dollara yüksəlib.

“Reuters” analitikləri geosiyasi vəziyyətin çox gərgin xarakter daşıdığını və bununla əlaqədar olaraq neftin qiymətinin uzun müddət qeyri-sabit olacağını bildiriblər. Məsələnin mahiyyəti ondan ibarətdir ki, ABŞ-nin özündə də qiymətlərlə bağlı böyük narazılıq var. Müharibədən əvvəl 1 qallon (3,785 litr) benzinin qiyməti 3,5 dollara satılırdısa, indi bu qiymət 5 dollaradək yüksəlib. Bəzi ştatlarda isə benzinin 1 qallonunun qiyməti 7 dollara çatıb. Məsələ heç də təkcə benzinin bahalaşmasında deyil. Qarşıdan əkin mövsümü gəlir və sahələrdə işləyən kənd təsərrüfatı texnikaları üçün daha çox dizel yanacağı tələb olunur. Bu isə ölkə ərazisində ərzaq mallarının qiymətinin artacağını artıq indidən deməyə əsas verir. Buna görə də ABŞ iqtisadiyyatı da zərər çəkir və buna görə də rəsmi Vaşinqton müharibəni tez, lakin özünə faydalı şərtlərlə başa çatdırmaq istəyir ki, bununla da İran razılaşmır.

Rəsmi Tehran ötən gecə məruz qaldığı raket zərbələrinə ağır cavab verəcəyini bəyan edib ki, bu da müharibənin atəşkəs rejimində olmasına baxmayaraq, davam etdiyini və neftin qiymətinin yenidən yüksəlmə mərhələsinin başladığından xəbər verir. [/yandexrss][shortrss] https://zamanlabirge.az/iqtisadiyyat/7193-yaddan-kodlar-qarabadan-gyy-tarixi-irsi-rqmsal-texnologiyalarla-canlandran-layih.html https://zamanlabirge.az/iqtisadiyyat/7193-yaddan-kodlar-qarabadan-gyy-tarixi-irsi-rqmsal-texnologiyalarla-canlandran-layih.html İqtisadiyyat admin Mon, 18 May 2026 13:41:57 +0400 [/shortrss] [fullrss] https://zamanlabirge.az/iqtisadiyyat/7193-yaddan-kodlar-qarabadan-gyy-tarixi-irsi-rqmsal-texnologiyalarla-canlandran-layih.html https://zamanlabirge.az/iqtisadiyyat/7193-yaddan-kodlar-qarabadan-gyy-tarixi-irsi-rqmsal-texnologiyalarla-canlandran-layih.html ]]> admin Mon, 18 May 2026 13:41:57 +0400 [/fullrss] [yandexrss] https://zamanlabirge.az/iqtisadiyyat/7193-yaddan-kodlar-qarabadan-gyy-tarixi-irsi-rqmsal-texnologiyalarla-canlandran-layih.html İqtisadiyyat Mon, 18 May 2026 13:41:57 +0400 Azərbaycanın zəngin tarixi-mədəni irsinin qorunması və beynəlxalq səviyyədə təqdim olunması məqsədilə həyata keçirilən “Yaddaşın kodları – Qarabağdan Göyçəyə” layihəsi innovativ yanaşması ilə diqqət çəkir. Layihə çərçivəsində Qarabağ və Qərbi Azərbaycanda yerləşən, zamanla dağıdılmış və ya zədələnmiş maddi və qeyri-maddi mədəni irs nümunələri müasir texnologiyalar vasitəsilə yenidən canlandırılır.
Süni intellekt və rəqəmsal vizuallaşdırma imkanlarından istifadə olunmaqla hazırlanan bu layihə istifadəçilərə yalnız məlumat əldə etmək deyil, eyni zamanda tarixi abidələri vizual şəkildə görmək və interaktiv formada öyrənmək imkanı yaradır. Bu yanaşma mədəni irsin təqdimatında yeni bir mərhələ kimi qiymətləndirilir.
Layihə çərçivəsində hazırlanmış rəqəmsal kitab və “Memory Codes” mobil tətbiqi vasitəsilə istifadəçilər tarixi faktlarla daha yaxından tanış ola, onları müasir texnoloji mühitdə kəşf edə bilirlər. Bu isə mədəni irsin qorunması ilə yanaşı, onun daha geniş auditoriyaya çatdırılmasına xidmət edir.

“Müasir Qadın və Cəmiyyət” İctimai Birliyinin sədri, İnnovasiya Mərkəzinin direktoru Fidan Kazımova layihə ilə bağlı bildirib ki, “Yaddaşın kodları – Qarabağdan Göyçəyə” layihəsi Azərbaycanın tarixi yaddaşının qorunması ilə yanaşı, onun beynəlxalq səviyyədə tanıdılması baxımından da mühüm əhəmiyyət daşıyır. Onun sözlərinə görə, müasir rəqəmsal texnologiyalar və süni intellekt vasitəsilə təqdim olunan məlumatlar xarici auditoriyanın Azərbaycan mədəni irsi haqqında daha dolğun və əsaslı formada məlumat əldə etməsinə imkan yaradır. Hazırlanmış kitablara oxuyucu telefon kamerasını yaxınlaşdıraraq artıq abidələrin köhnə şəkillərini deyil birbaşa vizual olaraq maket formasında görə biləcəklər.
Fidan Kazımova qeyd edib ki, layihənin əsas məqsədlərindən biri Qarabağ və Qərbi Azərbaycana aid mədəni irs nümunələrinin beynəlxalq rəqəmsal platformalarda təqdim olunması, dünya ictimaiyyətinin diqqətinə çatdırılması və gələcək nəsillər üçün etibarlı rəqəmsal yaddaş bazasının formalaşdırılmasıdır. O bildirib ki, layihənin nəticəsində mədəni irs nümunələri rəqəmsal formatda sistemləşdirilir, gənclərin tarixə marağı artırılır və Azərbaycanın mədəni dəyərləri beynəlxalq informasiya məkanında güclənir.
Onun sözlərinə görə, layihə gələcəkdə beynəlxalq təşkilatlar, xarici tədqiqatçılar və mədəniyyət platformaları ilə əməkdaşlıq imkanlarının genişlənməsinə də töhfə verəcək. “Bu təşəbbüs təkcə mədəni irsin qorunması deyil, həm də Azərbaycanın tarixi həqiqətlərinin innovativ üsullarla dünyaya çatdırılması baxımından strateji əhəmiyyət daşıyır”, – deyə Fidan Kazımova vurğulayıb.
“Yaddaşın kodları – Qarabağdan Göyçəyə” layihəsi milli yaddaşın qorunması, mədəni irsin sənədləşdirilməsi və gələcək nəsillərə ötürülməsi baxımından mühüm əhəmiyyət daşıyır. Eyni zamanda, layihə Azərbaycan tarixinin və mədəni dəyərlərinin beynəlxalq ictimaiyyətə təqdim olunmasına yönəlmiş mühüm təşəbbüslərdən biri kimi çıxış edir.
Layihə Azərbaycan Respublikasının Mədəniyyət Nazirliyinin maliyyə dəstəyi ilə “Müasir Qadın və Cəmiyyət” İctimai Birliyi tərəfindən həyata keçirilir.





[/yandexrss][shortrss] https://zamanlabirge.az/iqtisadiyyat/7190-wuf13-d-rqmsal-texnologiyalarn-mnzil-sektorunda-rolu-vurulanb.html https://zamanlabirge.az/iqtisadiyyat/7190-wuf13-d-rqmsal-texnologiyalarn-mnzil-sektorunda-rolu-vurulanb.html İqtisadiyyat admin Mon, 18 May 2026 13:20:04 +0400 [/shortrss] [fullrss] https://zamanlabirge.az/iqtisadiyyat/7190-wuf13-d-rqmsal-texnologiyalarn-mnzil-sektorunda-rolu-vurulanb.html https://zamanlabirge.az/iqtisadiyyat/7190-wuf13-d-rqmsal-texnologiyalarn-mnzil-sektorunda-rolu-vurulanb.html ]]> admin Mon, 18 May 2026 13:20:04 +0400 [/fullrss] [yandexrss] https://zamanlabirge.az/iqtisadiyyat/7190-wuf13-d-rqmsal-texnologiyalarn-mnzil-sektorunda-rolu-vurulanb.html İqtisadiyyat Mon, 18 May 2026 13:20:04 +0400 Ümumdünya Şəhərsalma Forumunun 13-cü Sessiyası (WUF13) çərçivəsində dayanıqlı və ekoloji məsuliyyətli mənzil sektorunun inkişafı, eləcə də rəqəmsal texnologiyaların bu sahədə rolu müzakirə olunub.

GSMA-nın (Global System for Mobile Communications Association) iqlim texnologiyaları və rəqəmsal kommunal xidmətlər üzrə baş təşviqat rəhbəri Leyla Quiçi WUF13 çərçivəsində keçirilən assambleyaların bağlanış sessiyasında çıxış edib.

O, bildirib ki, forum çərçivəsində bütün panellərdə rəqəmsal texnologiyaların müzakirəyə çıxarılması ümidverici hal olub. Onun sözlərinə görə, rəqəmsal texnologiyalar tikinti materiallarının hazırlanmasından enerji, su və tullantı idarəçiliyinə qədər bütün mərhələlərdə istifadə oluna bilər.

“Rəqəmsallaşma artıq buradadır”, – deyə o vurğulayıb. [/yandexrss][shortrss] https://zamanlabirge.az/iqtisadiyyat/7184-dvlt-neft-fondu-gln-il-ifswf-sdrlik-edck.html https://zamanlabirge.az/iqtisadiyyat/7184-dvlt-neft-fondu-gln-il-ifswf-sdrlik-edck.html İqtisadiyyat admin Thu, 14 May 2026 10:34:35 +0400 [/shortrss] [fullrss] https://zamanlabirge.az/iqtisadiyyat/7184-dvlt-neft-fondu-gln-il-ifswf-sdrlik-edck.html https://zamanlabirge.az/iqtisadiyyat/7184-dvlt-neft-fondu-gln-il-ifswf-sdrlik-edck.html ]]> admin Thu, 14 May 2026 10:34:35 +0400 [/fullrss] [yandexrss] https://zamanlabirge.az/iqtisadiyyat/7184-dvlt-neft-fondu-gln-il-ifswf-sdrlik-edck.html İqtisadiyyat Thu, 14 May 2026 10:34:35 +0400 Azərbaycan Respublikası Dövlət Neft Fondu (ARDNF) gələn il Beynəlxalq Suveren Sərvət Fondları Forumuna (IFSWF) sədrlik edəcək.

Bu barədə IFSWF-in proqram direktoru Eline Sleurink bildirib.

O qeyd edib ki, Bakıya səfəri çərçivəsində ARDNF rəhbərliyi və fondun müxtəlif istiqamətlər üzrə komandaları ilə görüşüb.

Eline Sleurinkin sözlərinə görə, ARDNF portfelin dayanıqlılığı, ESG prinsiplərinin tətbiqi və insan kapitalının inkişafı sahələrində güclü institusional yanaşma nümayiş etdirir.

O qeyd edib ki, Azərbaycan 2009-cu ildə IFSWF-in ilk toplantısına ev sahibliyi edib və Santyaqo Prinsiplərinin hazırlanmasına töhfə verib. [/yandexrss]