https://zamanlabirge.az/ Mədəniyyət - ZamanlaBirge.az[shortrss] https://zamanlabirge.az/medeniyyet/7238-azrbaycan-v-pakistan-mdniyyt-sahsind-mkdal-genilndirir.html https://zamanlabirge.az/medeniyyet/7238-azrbaycan-v-pakistan-mdniyyt-sahsind-mkdal-genilndirir.html Mədəniyyət admin Mon, 27 Jul 2026 22:23:27 +0400 [/shortrss] [fullrss] https://zamanlabirge.az/medeniyyet/7238-azrbaycan-v-pakistan-mdniyyt-sahsind-mkdal-genilndirir.html https://zamanlabirge.az/medeniyyet/7238-azrbaycan-v-pakistan-mdniyyt-sahsind-mkdal-genilndirir.html ]]> admin Mon, 27 Jul 2026 22:23:27 +0400 [/fullrss] [yandexrss] https://zamanlabirge.az/medeniyyet/7238-azrbaycan-v-pakistan-mdniyyt-sahsind-mkdal-genilndirir.html Mədəniyyət Mon, 27 Jul 2026 22:23:27 +0400 Mədəniyyət naziri Adil Kərimli iyulun 27-də Pakistan İslam Respublikasının ölkəmizdəki səfiri Qasım Mohiuddin ilə görüşüb.

Bu barədə nazirlikdən məlumat verilib.

Bildirilib ki, görüşdə nazir Azərbaycan ilə Pakistan arasında əlaqələrin yüksək səviyyədə olduğunu bildirib, münasibətlərin təməlində iki ölkə liderlərinin möhkəm dostluğu və qarşılıqlı etimadının dayandığını deyib. Qeyd olunub ki, ölkələrimiz arasında mədəniyyət sahəsində əməkdaşlığın dərinləşdirilməsi üçün geniş imkanlar mövcuddur.

Səmimi qəbula görə təşəkkürünü bildirən səfir Qasım Mohiuddin Azərbaycan ilə mədəni əlaqələrin inkişafında maraqlı olduqlarını diqqətə çatdırıb.

Söhbət zamanı mədəniyyətin müxtəlif sahələri üzrə əməkdaşlıq məsələləri müzakirə olunub. [/yandexrss][shortrss] https://zamanlabirge.az/medeniyyet/7228-azrbaycan-mdniyyti-2040-konsepsiyasnn-icras-zr-nvbti-addmlar-myynldirilib.html https://zamanlabirge.az/medeniyyet/7228-azrbaycan-mdniyyti-2040-konsepsiyasnn-icras-zr-nvbti-addmlar-myynldirilib.html Mədəniyyət admin Fri, 10 Jul 2026 21:41:43 +0400 [/shortrss] [fullrss] https://zamanlabirge.az/medeniyyet/7228-azrbaycan-mdniyyti-2040-konsepsiyasnn-icras-zr-nvbti-addmlar-myynldirilib.html https://zamanlabirge.az/medeniyyet/7228-azrbaycan-mdniyyti-2040-konsepsiyasnn-icras-zr-nvbti-addmlar-myynldirilib.html ]]> admin Fri, 10 Jul 2026 21:41:43 +0400 [/fullrss] [yandexrss] https://zamanlabirge.az/medeniyyet/7228-azrbaycan-mdniyyti-2040-konsepsiyasnn-icras-zr-nvbti-addmlar-myynldirilib.html Mədəniyyət Fri, 10 Jul 2026 21:41:43 +0400 Elm və Təhsil Nazirliyi ilə Mədəniyyət Nazirliyi arasında “Azərbaycan Mədəniyyəti – 2040” Azərbaycan Respublikasının Mədəniyyət Konsepsiyasının icrası ilə bağlı görüş keçirilib. Görüşdə elm və təhsil nazirinin müavini Həsən Həsənli, mədəniyyət nazirinin müavini Səadət Yusifova və hər iki nazirliyin aidiyyəti struktur bölmələrinin nümayəndələri iştirak ediblər.

Bu barədə Elm və Təhsil Nazirliyindən məlumat verilib.

Müzakirələr zamanı Konsepsiyanın 2026–2030-cu illər üzrə Tədbirlər Planında mədəniyyət, elm və təhsil sahələri üzrə qarşılıqlı əməkdaşlığı əhatə edən tədbirlərin icra vəziyyəti nəzərdən keçirilib, həmin tədbirlər üzrə qurumlararası əlaqələndirmə və icra prosesinin səmərəli təşkili məsələlərinə toxunulub.

2026-cı il üzrə nəzərdə tutulan tədbirlər çərçivəsində mədəniyyətin təhsilin tərkib hissəsinə çevrilməsi, elmin və mədəniyyətin qarşılıqlı əlaqəsinin təmin edilməsi, mədəniyyət sahəsində təhsilin, təhsil pillələri üzrə ixtisasların və ixtisaslaşmaların təkmilləşdirilməsi, eləcə də Azərbaycan dili və ədəbiyyatı istiqaməti üzrə yeni, xüsusilə elmi və publisistik əsərlərin yaradılması və təbliği ilə bağlı məsələlər barədə fikir mübadiləsi aparılıb.

Görüşün sonunda aidiyyəti istiqamətlər üzrə növbəti addımlar müzakirə olunub, Konsepsiyada müəyyən edilmiş hədəflərə nail olunmasında qarşılıqlı fəaliyyətin əhəmiyyəti vurğulanıb. [/yandexrss][shortrss] https://zamanlabirge.az/medeniyyet/7226-ankarada-azrbaycan-yeni-era-kitabnn-trkiy-trkcsind-nrinin-tqdimat-olub.html https://zamanlabirge.az/medeniyyet/7226-ankarada-azrbaycan-yeni-era-kitabnn-trkiy-trkcsind-nrinin-tqdimat-olub.html Mədəniyyət admin Wed, 01 Jul 2026 11:05:19 +0400 [/shortrss] [fullrss] https://zamanlabirge.az/medeniyyet/7226-ankarada-azrbaycan-yeni-era-kitabnn-trkiy-trkcsind-nrinin-tqdimat-olub.html https://zamanlabirge.az/medeniyyet/7226-ankarada-azrbaycan-yeni-era-kitabnn-trkiy-trkcsind-nrinin-tqdimat-olub.html ]]> admin Wed, 01 Jul 2026 11:05:19 +0400 [/fullrss] [yandexrss] https://zamanlabirge.az/medeniyyet/7226-ankarada-azrbaycan-yeni-era-kitabnn-trkiy-trkcsind-nrinin-tqdimat-olub.html Mədəniyyət Wed, 01 Jul 2026 11:05:19 +0400 yunun 30-da Türkiyənin paytaxtı Ankara şəhərində Türkiyə Milli Kitabxanasının binasında “Azərbaycan: Yeni era” kitabının Türkiyə türkcəsində nəşrinin təqdimat mərasimi keçirilib.
Ölkəmizin Türkiyədəki səfirliyi, səfirliyin nəzdində fəaliyyət göstərən Azərbaycan Mədəniyyət Mərkəzi, “İRS” jurnalı, “İRS” nəşriyyat evi və “PAŞA Həyat Sığorta” ASC-nin birgə səyləri ilə təşkil olunan tədbirdə diplomatlar, Türkiyə Böyük Millət Məclisinin deputatları, elm xadimləri, iki ölkənin ictimaiyyət nümayəndələri iştirak ediblər.

Əvvəlcə müasir Azərbaycanı tərənnüm edən videoçarx nümayiş olunub.

Tədbiri giriş sözü ilə açan Türkiyə Mədəniyyət Nazirliyinin Kitabxanalar və Nəşrlər İdarəsinin rəhbəri Taner Beyoğlu təqdimatı keçirilən kitabı müasir Azərbaycanın siyasi, iqtisadi və mədəni inkişafı prosesini Türkiyə və dünya auditoriyasına çatdıran əhəmiyyətli nəşr adlandırıb. Onun sözlərinə görə, “Azərbaycan: Yeni era” kitabının müəllifləri ölkəmizin milli maraqlarını və tarixi həqiqətləri baxımından güclü informasiya və təbliğat vəsaiti hazırlayıblar.

Daha sonra çıxış edən ölkəmizin Türkiyədəki səfiri Rəşad Məmmədov müstəqilliyini hər sahədə daha da gücləndirən, beynəlxalq hüquq çərçivəsində ərazi bütövlüyünü bərpa edən, regionda uzunmüddətli sülhə, təhlükəsizliyə və sabitliyə töhfə verən dövlətimizin son illərdə əldə etdiyi tarixi uğurlardan bəhs edib. Diplomat əmin olduğunu bildirib ki, “Bir millət, iki dövlət” şüarının ruhunu bütün yönləri ilə əks etdirən bu kitab Türk dünyasının ortaq gələcəyinə işıq salan etibarlı mənbə və bilik bazası olacaq.

“PAŞA Həyat Sığorta” ASC-nin İdarə Heyətinin sədri Ülviyyə Cabbarova Azərbaycanın mədəni, tarixi və təbii irsinin dünyada tanıdılmasına töhfə verməyə daim hazır olduqlarını vurğulayıb. O bildirib ki, “İRS” jurnalının baş redaktoru Musa Mərcanlının rəhbərliyi ilə nəşr edilən və Azərbaycan mədəniyyətinin təbliğinə həsr olunan “Azərbaycan: Yeni era” kitabı Azərbaycanı daha dərindən tanımaq istəyən oxucular üçün cəlbedici olacaq.

Türkiyə Böyük Millət Məclisinin üzvü, Azərbaycan-Türkiyə parlamentlərarası Dostluq Qrupunun sədri Şamil Ayrım qalib Azərbaycanın bu gün yeni siyasi reallıq və yeni status-kvo əsasında siyasətini həyata keçirdiyini ifadə edib. Azərbaycanın beynəlxalq müstəvidə mövqeyinin möhkəmlənməsinə diqqət çəkən Şamil Ayrım yeni əsərin ölkəmizin siyasi, iqtisadi, geosiyasi və digər sahələr üzrə inkişaf modelinin, əldə edilən nailiyyətlərin təqdimatı baxımından son dərəcə vacib olduğunu deyib.

“Azərbaycan: Yeni era” kitabı həm geniş oxucu kütləsi, həm də xaricdən Azərbaycanı daha dərindən tanımaq istəyən oxucular üçün olduqca dəyərlidir”, - deyə o əlavə edib.

“İRS” jurnalının baş redaktoru, tarix üzrə fəlsəfə doktoru, Əməkdar jurnalist Musa Mərcanlı qeyd edib ki, Azərbaycan irsinin dünyada tanıdılmasına, mədəni diplomatiyanın gücləndirilməsinə mühüm töhfə verəcək “Azərbaycan: Yeni era” kitabı “İRS” nəşriyyat evinin Türkiyə oxucularına təqdim etdiyi sayca altıncı nəşrdir. “Azərbaycan: Yeni era” kitabının milli-mənəvi baxımdan dəyərini xüsusi vurğulayan Musa Mərcanlı bu əsərin ölkənin müstəqillik dövründə keçdiyi yolu, əldə etdiyi nailiyyətləri, həmçinin Qarabağdakı tarixi Qələbəni və Böyük Qayıdış proseslərini yüksək elmi-bədii dildə əks etdirdiyini deyib.

Digər çıxışçılar təqdim olunan nəşrin milli yaddaşın qorunmasında və Azərbaycanın müasir tarixi kimliyinin təbliğində xüsusi rol oynadığını qeyd ediblər.

[/yandexrss][shortrss] https://zamanlabirge.az/medeniyyet/7220-sngal-karvansarasna-ziyan-vuruldu-aradrma-balad.html https://zamanlabirge.az/medeniyyet/7220-sngal-karvansarasna-ziyan-vuruldu-aradrma-balad.html Mədəniyyət admin Mon, 22 Jun 2026 11:35:58 +0400 [/shortrss] [fullrss] https://zamanlabirge.az/medeniyyet/7220-sngal-karvansarasna-ziyan-vuruldu-aradrma-balad.html https://zamanlabirge.az/medeniyyet/7220-sngal-karvansarasna-ziyan-vuruldu-aradrma-balad.html ]]> admin Mon, 22 Jun 2026 11:35:58 +0400 [/fullrss] [yandexrss] https://zamanlabirge.az/medeniyyet/7220-sngal-karvansarasna-ziyan-vuruldu-aradrma-balad.html Mədəniyyət Mon, 22 Jun 2026 11:35:58 +0400 Bakının Qaradağ rayonunda yerləşən, ölkə əhəmiyyətli memarlıq abidəsi olan karvansaraya qanunsuz müdaxilə edilib.

Bu barədə Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətindən məlumat verilib.

Bildirilib ki, Dövlət Xidmətinin Bakı Regional İdarəsinin əməkdaşları tərəfindən əraziyə baxış keçirilib. Araşdırma zamanı müəyyən edilib ki, abidənin üzərindəki tarixi yazılar və tamğaların səthi qum-sement məhlulu ilə örtülərək abidəyə ziyan vurulub. Müdaxilənin izləri aradan qaldırılıb, tarixi elementlərin üzərini örtən material təmizlənərək abidənin ilkin vəziyyətinin bərpası təmin edilib.

Faktla bağlı İnzibati Xətalar Məcəlləsinin 231.3-cü maddəsinə əsasən mədəni və təbii irsin, o cümlədən "Tarix və mədəniyyət abidələrinin qorunması haqqında" qanuna uyğun olaraq tarix və mədəniyyət abidələrinin qorunması və istifadəsi üzrə tələblərin pozulmasına görə hadisəni törətmiş şəxslərin məsuliyyətə cəlb olunması ilə bağlı müvafiq tədbirlər görülür.

Xatırladaq ki, qədim karvan yolları üzərində yerləşən Qaradağ rayonu ərazisində bir neçə karvansara mövcuddur. Onlardan biri də Səngəçal karvansarası kimi tanınan sözügedən tarixi tikilidir. XV əsrdə inşa edilən abidə tarixən karvan yollarından istifadə edən tacirlərin və səyyahların dayanacaq məkanı kimi fəaliyyət göstərib. Son dövrlərə qədər isə iaşə obyekti kimi istifadə olunub.

[/yandexrss][shortrss] https://zamanlabirge.az/medeniyyet/7208-milli-azrbaycan-tarixi-muzeyind-1-iyun-uaqlarn-beynlxalq-mdafisi-gnn-hsr-olunmu-tarixin-uaq-izlri-adl-srgi-keirildi.html https://zamanlabirge.az/medeniyyet/7208-milli-azrbaycan-tarixi-muzeyind-1-iyun-uaqlarn-beynlxalq-mdafisi-gnn-hsr-olunmu-tarixin-uaq-izlri-adl-srgi-keirildi.html Mədəniyyət admin Tue, 02 Jun 2026 19:12:14 +0400 [/shortrss] [fullrss] https://zamanlabirge.az/medeniyyet/7208-milli-azrbaycan-tarixi-muzeyind-1-iyun-uaqlarn-beynlxalq-mdafisi-gnn-hsr-olunmu-tarixin-uaq-izlri-adl-srgi-keirildi.html https://zamanlabirge.az/medeniyyet/7208-milli-azrbaycan-tarixi-muzeyind-1-iyun-uaqlarn-beynlxalq-mdafisi-gnn-hsr-olunmu-tarixin-uaq-izlri-adl-srgi-keirildi.html ]]> admin Tue, 02 Jun 2026 19:12:14 +0400 [/fullrss] [yandexrss] https://zamanlabirge.az/medeniyyet/7208-milli-azrbaycan-tarixi-muzeyind-1-iyun-uaqlarn-beynlxalq-mdafisi-gnn-hsr-olunmu-tarixin-uaq-izlri-adl-srgi-keirildi.html Mədəniyyət Tue, 02 Jun 2026 19:12:14 +0400 1 iyun 2026-cı il Milli Azərbaycan Tarixi Muzeyində 1 iyun Uşaqların Beynəlxalq Müdafiəsi gününə həsr olunmuş “Tarixin uşaq izləri” adlı sərgi keçirilmişdir.
Sərgini Milli Azərbaycan Tarixi Muzeyinin direktoru, akademik Nailə Vəlixanlı açıq elan edərək qeyd etmişdir ki, uşaqlar cəmiyyətimizin gələcəyi, milli-mənəvi dəyərlərimizin daşıyıcılarıdır. Sərgi muzeyimizin zəngin eksponatları əsasında hazırlanıb və məqsədi uşaqları tariximiz, mədəniyyətimiz və irsimizlə daha yaxından tanış etməkdir. Burada nümayiş olunan eksponatlar keçmiş nəsillərin həyat tərzini, uşaqlıq dünyasını və xalqımızın mədəni ənənələrini əks etdirir. O, həmçinin qeyd etmişdir ki, sərgi həm uşaqlarda tarixə və mədəni irsə maraq oyadacaq, həm də onlara xoş təəssüratlar bəxş edəcək. Bayram münasibətilə bütün uşaqları təbrik edən Nailə Vəlixanlı onlara sağlam, xoşbəxt və uğurlu gələcək arzulamışdır.
Daha sonra Azərbaycan Fotoqrafları Birliyinin üzvü Mirnaib Həsənoğlu cıxış edərək sərginin əhəmiyyətindən bəhs etmiş, onun ərsəyə gəlməsində iştirak edən əməkdaşlara və Muzey rəhbərliyinə dərin təşəkkürünü bildirmişdir.
Açılış mərasimində mədəniyyət və incəsənət xadimləri, fotoqraflar, sənətsevərlər və çoxsaylı qonaqlar iştirak ediblər. Uşaqlar gününə həsr olunmuş sərgi uşaqların dünyasını, onların yaradıcılığını, tarixini və mədəni irsini əks etdirən eksponatları bir araya gətirmişdir. Sərgidə muzeyin zəngin kolleksiyasından etnoqrafik geyimlər, əşyalar, arxeoloji tapıntılar, qədim oyuncaqlar və uşaqlıq mövzusunu əks etdirən fotolar, və nəşrlər nümayiş olunur.
Sərgi Milli Azərbaycan Tarixi Muzeyi və Azərbaycan Fotoqrafları Birliyinin birgə təşkilatçılığı ilə həyata keçirilır.

/zamanlabirge.az/








[/yandexrss][shortrss] https://zamanlabirge.az/medeniyyet/7203-bu-gn-xalq-yazs-lyas-fndiyevin-anadan-olmasndan-112-il-tr.html https://zamanlabirge.az/medeniyyet/7203-bu-gn-xalq-yazs-lyas-fndiyevin-anadan-olmasndan-112-il-tr.html Mədəniyyət admin Tue, 26 May 2026 20:01:10 +0400 [/shortrss] [fullrss] https://zamanlabirge.az/medeniyyet/7203-bu-gn-xalq-yazs-lyas-fndiyevin-anadan-olmasndan-112-il-tr.html https://zamanlabirge.az/medeniyyet/7203-bu-gn-xalq-yazs-lyas-fndiyevin-anadan-olmasndan-112-il-tr.html ]]> admin Tue, 26 May 2026 20:01:10 +0400 [/fullrss] [yandexrss] https://zamanlabirge.az/medeniyyet/7203-bu-gn-xalq-yazs-lyas-fndiyevin-anadan-olmasndan-112-il-tr.html Mədəniyyət Tue, 26 May 2026 20:01:10 +0400 Bu gün nasir, dramaturq, Dövlət mükafatı laureatı, Xalq yazıçısı İlyas Əfəndiyevin anadan olmasından 112 il ötür.

XX əsr Azərbaycan ədəbiyyatının əvəzolunmaz simalarından biri kimi tarixə düşmüş İlyas Əfəndiyevin zəngin nəsrinə “Söyüdlü arx”, “Körpüsalanlar”, “Dağlar arxasında üç dost”, “Sarıköynəklə Valehin nağılı”, “Geriyə baxma, qoca”, “Üçatılan” və digər roman və povestləri, dramaturgiyasına “İşıqlı yollar”, “Bahar suları”, “Atayevlər ailəsi”, “Sən həmişə mənimləsən”, “Mənim günahım”, “Unuda bilmirəm”, “Məhv olmuş gündəliklər”, “Qəribə oğlan”, “Mahnı dağlarda qaldı”, “Bağlardan gələn səs” və s. daxildir. O, pyesləri ilə teatr sənətimizdə yeni bir mərhələ açıb.

Bu görkəmli yazıçını və dramaturqu xatırlayarkən Ulu Öndər Heydər Əliyevin onun haqqında dediyi sözlər yada düşür: “İlyas Əfəndiyev Azərbaycan teatrına çox böyük töhfələr veribdir, böyük xidmətlər göstəribdir, çox dəyərli əsərlər yaradıbdır. Onun yaradıcılığı başqa cəhətlərlə yanaşı, bir də ona görə əhəmiyyətlidir ki, o, öz əsərlərində həm Azərbaycan xalqının tarixinin çox mühüm səhifələrini ədəbiyyat, teatr vasitəsilə bugünkü nəsillərə çatdırıbdır, həm də öz əsərlərində müasir həyatımızın müsbət və mənfi cəhətlərini çox gözəl təsvir edibdir”.

Vaxtilə Ulu Öndərin görkəmli nasir və dramaturq İlyas Əfəndiyev haqqında dediyi bu sözlər, Xalq yazıçısının yaradıcılığına verilmiş yüksək qiymətin göstəricisidir.

Ədəbiyyatımızda lirik-psixoloji üslubun yaradıcılarından biri, yeni obrazlar, xüsusən qadın obrazlarının mahir yaradıcısı, dramaturgiya və teatr tariximizdə “İlyas Əfəndiyev teatrı”nın banisi kimi estetik amillər ədəbi-nəzəri fikir tarixində İlyas Əfəndiyev fenomenini müəyyən edir.

İlyas Əfəndiyevin 1939-cu ildə nəşr edilmiş “Kənddən məktublar” kitabı onu oxuculara tanıtdırıb. O, 1943-cü ildə Mehdi Hüseynlə birlikdə ilk dram əsəri olan “İntizar” pyesini yazıb və bununla da yazıçının Azərbaycan milli teatrı ilə 50 ildən çox davam etmiş sıx yaradıcılıq əməkdaşlığının əsası qoyulub.

Əsərlərinin əksəriyyətini sovet dövründə yazmış İlyas Əfəndiyev sadə insanların həyatını, onların məhəbbətini, arzu və istəklərini böyük ustalıqla qələmə alıb. Zəngin yaradıcılıq yolu keçmiş böyük sənətkar İlyas Əfəndiyev 1996-cı il oktyabrın 3-də Bakı şəhərində dünyasını dəyişib və Fəxri xiyabanda dəfn olunub.

Ədəbiyyatımızın və teatrımızın inkişafında özünəməxsus yeri olan İlyas Əfəndiyevin yaradıcılığı dövlətimiz tərəfindən daim yüksək qiymətləndirilir.

Yazıçının əsərləri bəşəri mövzulara həsr olunduğu üçün rus, türk və digər dillərə tərcümə olunub, Avropanın nüfuzlu teatrlarında səhnəyə qoyulub. Onun anadan olmasının 100 illiyi UNESCO-da təntənəli şəkildə keçirilib. [/yandexrss][shortrss] https://zamanlabirge.az/medeniyyet/7198-bu-gn-xalq-artisti-mehdi-mmmdovun-doum-gndr.html https://zamanlabirge.az/medeniyyet/7198-bu-gn-xalq-artisti-mehdi-mmmdovun-doum-gndr.html Mədəniyyət admin Fri, 22 May 2026 11:52:50 +0400 [/shortrss] [fullrss] https://zamanlabirge.az/medeniyyet/7198-bu-gn-xalq-artisti-mehdi-mmmdovun-doum-gndr.html https://zamanlabirge.az/medeniyyet/7198-bu-gn-xalq-artisti-mehdi-mmmdovun-doum-gndr.html ]]> admin Fri, 22 May 2026 11:52:50 +0400 [/fullrss] [yandexrss] https://zamanlabirge.az/medeniyyet/7198-bu-gn-xalq-artisti-mehdi-mmmdovun-doum-gndr.html Mədəniyyət Fri, 22 May 2026 11:52:50 +0400 Bu gün görkəmli rejissor, teatrşünas, pedaqoq, tənqidçi, tərcüməçi, Xalq artisti Mehdi Məmmədovun anadan olmasından 108 il ötür.

Azərbaycan teatr sənətinin yaranmasında, inkişafında, təbliğində müstəsna xidmətləri olan Mehdi Məmmədov milli teatrın tarixində intellektual mədəni elitanın ən parlaq nümayəndələrindən biri idi.

Mehdi Məmmədov Milli Dram Teatrının baş rejissoru olduğu 10 il ərzində 12 səhnə əsərinə quruluş verib. Onun səhnələşdirdiyi “On ikinci gecə”, “Madrid”, “Od gəlini”, “Oqtay Eloğlu”, “Şeyx Sənan”, “İblis”, “Hamlet”, “Xəyyam”, “Müfəttiş”, “Canlı meyit”, “Romeo və Cülyetta”, “Dəli yığıncağı” və digər tamaşaların hər biri Azərbaycan teatr tarixində hadisəyə çevrilib.

Müsahibələrinin birində Mehdi Məmmədov etiraf etmişdi ki, quruluş verdiyi səhnə əsərləri arasında dünya səhnəsinə çıxarmağa ən çox layiq bildiyi məhz “Dəli yığıncağı”dır.

Mehdi Məmmədovun adı Azərbaycan mədəniyyətində yüksəkintellektli, universal dünyagörüşlü sənətkar nümunəsi ilə assosiasiya olunur. O, keçmiş SSRİ məkanında yüksək peşəkarlıq xüsusiyyətlərini kamilliklə özündə birləşdirən az sayda sənətkarlardan idi.

Ümumilikdə 60 səhnə əsərinə bir-birindən mükəmməl quruluş verən Mehdi Məmmədov dönə-dönə qeyd edib ki, bədii əsərlə daxili aləmi arasında tam yaxınlıq duymayana qədər məşqlərə başlamırmış. Cidd-cəhdlə diqqət ayırdığı daha bir cəhət isə gələcək tamaşanın forması idi. Mehdi Məmmədova görə, bədii forma bədii məzmun qədər önəmlidir. Başqa sözlə, rejissor təqdim edəcəyi tamaşanın bədii formasını bütün görünən və görünməyən incəlikləri ilə təsəvvür etmirsə, onun məşq etməsi bir az qəribədir.

Mehdi Məmmədov ömrünün sonuna qədər pedaqoji fəaliyyətlə məşğul olub. M.Əliyev adına İncəsənət İnstitutunda (indiki Mədəniyyət və İncəsənət Universiteti) çalışmaqla yanaşı, Azərbaycan Dövlət Universitetində (indiki Bakı Dövlət Universiteti) etika və estetikadan dərs deyib.

Teatr tariximizdə fəlsəfi-psixoloji üslubun ustadı olan Mehdi Məmmədov bu barədə deyib: “İnsan, ümumiyyətlə, fəlsəfəyə meyillidir. Fəlsəfə həyatın dərin idrakıdır. Rejissor ciddi düşünürsə, elə o da filosofdur. Ancaq mən heç vaxt qarşıma filosof kimi görünmək məqsədi qoymamışam. Fəlsəfəyə meyil özümdən asılı deyil”.

Teatr tariximizə adını əbədi həkk etmiş böyük sənətkar Mehdi Məmmədov 1985-ci il yanvarın 28-də dünyasını dəyişib. [/yandexrss][shortrss] https://zamanlabirge.az/medeniyyet/7195-mavriki-respublikasnn-prezidenti-rihrl-tan-olub.html https://zamanlabirge.az/medeniyyet/7195-mavriki-respublikasnn-prezidenti-rihrl-tan-olub.html Mədəniyyət admin Wed, 20 May 2026 19:38:42 +0400 [/shortrss] [fullrss] https://zamanlabirge.az/medeniyyet/7195-mavriki-respublikasnn-prezidenti-rihrl-tan-olub.html https://zamanlabirge.az/medeniyyet/7195-mavriki-respublikasnn-prezidenti-rihrl-tan-olub.html ]]> admin Wed, 20 May 2026 19:38:42 +0400 [/fullrss] [yandexrss] https://zamanlabirge.az/medeniyyet/7195-mavriki-respublikasnn-prezidenti-rihrl-tan-olub.html Mədəniyyət Wed, 20 May 2026 19:38:42 +0400 BMT-nin Bakıda keçirilən Ümumdünya Şəhərsalma Forumunun 13-cü Sessiyasında (WUF13) iştirak edən Mavriki Respublikasının Prezidenti Daramber Qoxul İçərişəhəri ziyarət edib.

Bu barədə “İçərişəhər” Dövlət Tarix-Memarlıq Qoruğu İdarəsindən məlumat verilib.

Bildirilib ki, Qoruğu İdarəsinin İdarə Heyətinin sədri Rüfət Mahmud ilə birgə keçirilən tanışlıq turu zamanı ali qonaq Qız Qalası, Şirvanşahlar Sarayı Kompleksi, Buxara Karvansarası və digər tarixi-memarlıq abidələri ilə yaxından tanış olub.

Səfər müddətində nümayəndə heyətinə İçərişəhərin qlobal mədəni irs statusu, qədim abidələrin mühafizəsi istiqamətində atılan addımlar, eləcə də yerli icmanın və sənət adamlarının bu prosesə cəlb olunması barədə geniş məlumat verilib. [/yandexrss][shortrss] https://zamanlabirge.az/medeniyyet/7189-musa-yaqubun-nvsi-nanram-ki-onun-saf-v-duyulu-eirlri-hmi-yaayacaq.html https://zamanlabirge.az/medeniyyet/7189-musa-yaqubun-nvsi-nanram-ki-onun-saf-v-duyulu-eirlri-hmi-yaayacaq.html Mədəniyyət admin Mon, 18 May 2026 13:18:09 +0400 [/shortrss] [fullrss] https://zamanlabirge.az/medeniyyet/7189-musa-yaqubun-nvsi-nanram-ki-onun-saf-v-duyulu-eirlri-hmi-yaayacaq.html https://zamanlabirge.az/medeniyyet/7189-musa-yaqubun-nvsi-nanram-ki-onun-saf-v-duyulu-eirlri-hmi-yaayacaq.html ]]> admin Mon, 18 May 2026 13:18:09 +0400 [/fullrss] [yandexrss] https://zamanlabirge.az/medeniyyet/7189-musa-yaqubun-nvsi-nanram-ki-onun-saf-v-duyulu-eirlri-hmi-yaayacaq.html Mədəniyyət Mon, 18 May 2026 13:18:09 +0400 İsmayıllıda Xalq şairi Musa Yaquba həsr olunmuş xatirə gecəsi keçirilib.

Tədbirdən əvvəl Musa Yaqubun həyat və yaradıcılığına həsr edilmiş sərgiyə baxış keçirilib. Sərgidə şairin müxtəlif illərdə çap olunmuş kitabları, yaradıcılığını əks etdirən materiallar, eləcə də müxtəlif rəssamlar tərəfindən çəkilmiş portretləri nümayiş etdirilib.

Xatirə gecəsində çıxış edən İsmayıllı Rayon İcra Hakimiyyəti başçısının müavini Eyyub Musayev, Milli Məclisin deputatı Novruz Aslan, Dağlıq Şirvan Regional Mədəniyyət İdarəsinin rəisi Şəhriyar Soltan, şair Baba Vəziroğlu, Qafqaz Müsəlmanları İdarəsinin aparat rəhbəri Simran Həsənov və bədii qiraətçi Pünhan İsmayıllı Musa Yaqub yaradıcılığının Azərbaycan ədəbiyyatındakı mühüm yerindən danışıblar. Bildirilib ki, şairin poeziyasında dağların nəfəsi, kənd həyatının səmimiyyəti, insanın daxili aləmi və doğma torpağa bağlılıq xüsusi poetik dillə ifadə olunub.

Gecə bədii hissə ilə davam edib. Tədbirin ən yaddaqalan məqamlarından biri Xalq Teatrının Musa Yaqub yaradıcılığı əsasında hazırladığı “Kölgə” tamaşasının nümayişi olub.

Sonda Dağlıq Şirvan Regional Mədəniyyət İdarəsinin nümayəndəsi Nilufər Mursalıyeva çıxış edərək, tədbirin təşkilində əməyi olan hər kəsə təşəkkürünü bildirib.

Daha sonra şairin nəvəsi Rüfət Qarazadə babasının xatirəsinə göstərilən ehtirama görə minnətdarlığını ifadə edib. “Bu gün nəinki Musa Yaqubun oxucuları, doğmaları və sevənləri, əslində hər kəs onu yaşadır, xatirəsini yad edir. İnanıram ki, bizdən sonrakı nəsillər də Musa Yaqub poeziyasını yaşadacaq. Onun bir nanə yarpağı kimi kövrək, saf və duyğulu şeirləri həmişə yaşayacaq”, – deyə o vurğulayıb.

Xatırladaq ki, Musa Yaqub 1937-ci il mayın 10-da İsmayıllı rayonunun Buynuz kəndində anadan olub, 2021-ci il mayın 7-də vəfat edib. Şair yaşadığı İsmayıllı rayonunun Buynuz kənd qəbiristanlığında həyat yoldaşının məzarının yanında dəfn olunub.

Qeyd edək ki, ədəbi fəaliyyətə 1957-ci ildə “Azərbaycan” qəzetində dərc olunan “İki qəlb, iki dünya” poeması ilə başlayan şair Azərbaycan poeziyasına dərin iz qoyan sənətkarlardan biri kimi tanınıb. Musa Yaqub Prezident İlham Əliyevin Sərəncamı ilə Azərbaycan mədəniyyətinin inkişafındakı xidmətlərinə görə “Xalq şairi” fəxri adına layiq görülüb.

[/yandexrss][shortrss] https://zamanlabirge.az/medeniyyet/7187-bu-gn-xalq-artisti-rauf-hacyevin-anadan-olmasndan-104-il-tr.html https://zamanlabirge.az/medeniyyet/7187-bu-gn-xalq-artisti-rauf-hacyevin-anadan-olmasndan-104-il-tr.html Mədəniyyət admin Fri, 15 May 2026 12:54:23 +0400 [/shortrss] [fullrss] https://zamanlabirge.az/medeniyyet/7187-bu-gn-xalq-artisti-rauf-hacyevin-anadan-olmasndan-104-il-tr.html https://zamanlabirge.az/medeniyyet/7187-bu-gn-xalq-artisti-rauf-hacyevin-anadan-olmasndan-104-il-tr.html ]]> admin Fri, 15 May 2026 12:54:23 +0400 [/fullrss] [yandexrss] https://zamanlabirge.az/medeniyyet/7187-bu-gn-xalq-artisti-rauf-hacyevin-anadan-olmasndan-104-il-tr.html Mədəniyyət Fri, 15 May 2026 12:54:23 +0400 Bu gün Azərbaycan musiqili komediyasının inkişafında mühüm xidmətləri olmuş Xalq artisti, bəstəkar Rauf Hacıyevin anadan olmasından 104 il ötür.

Azərbaycan və dünya musiqi mədəniyyətinə böyük töhfələr vermiş Rauf Hacıyev yaradıcılığı ilə gələcəyə yeni yollar açan novator sənətkar olub. Adını mədəniyyət tariximizə böyük hərflərlə yazdırmış fitri istedad sahibinin əsərləri hələ çox yüzilliklər insanların mənəvi dünyasının zənginləşməsinə, zövqünün formalaşmasına xidmət edəcək.

Rauf Hacıyev musiqi istedadı erkən yaşlarından özünü büruzə verib. Qəribsoltan Məlikovanın himayəsi altında tərbiyə almış Raufun bəstəkarlıq sahəsində formalaşmasında Üzeyir Hacıbəylinin mühüm əhəmiyyəti var. Belə ki, Raufun fortepiano üçün pyeslərini “Tarantella”, “Dağıstan”, “Ləzgihəngi” dinlədikdən sonra dahi bəstəkar onun fitri istedadını yüksək qiymətləndirib və ilyarım onunla məşğul olandan sonra Rauf bir neçə mahnı bəstələyib. Onların arasında, xüsusilə “Samur”, “Mingəçevir”, “Gənclik marşı” ona şöhrət gətirib. İlk gənclik məhsulu olan bu əsərlərdən sonra mahnı janrı R.Hacıyevin yaradıcılığında aparıcı əhəmiyyət kəsb edir. Xüsusilə bəstəkarın həm ifaçılar, həm də musiqisevərlər arasında “Sevgilim”, “Mənim Azərbaycanım”, “Lirik mahnı”, “Bahar gəlir”, “Sevimli şəhər”, “Bakı haqqında mahnı”, “Leyla”, “Neft Daşlarında”, “Ceyran” və sair mahnıları daha çox populyarlıq qazanır.

O, 15-ə qədər filmə musiqi yazıb və hər bir filmdə olduqca çox musiqi parçaları mövcuddur. Bunlardan “Əhməd haradadır”, “Mən rəqs edəcəyəm”, “Bir qalanın sirri”, “Kölgələr sürünür”, “Qara daşlar” və s. göstərə bilərik. Bu filmlərdə musiqi obrazların dolğun təcəssümü, səmimiyyəti, gözəl melodikliyi, şəffaf orkestrləşdirməsi ilə fərqlənir.

Bəstəkar yeddi operetta yazıb və onlardan beşi məhz Moskva Dövlət Operetta Teatrının səhnəsində tamaşaya qoyulub. Eyni zamanda, bu operettalar keçmiş SSRİ-nin mərkəz şəhərlərində uğurla öz səhnə təcəssümünü tapıb.

Operetta janrında çalışmaqla yanaşı R.Hacıyev musiqili teatrın başqa janrlarında da öz qələmini sınayıb.

1971-ci ildə R.Hacıyev xaricə işləməyə gedir. O, Mədəniyyət Nazirliyinin göndərişi ilə Əlcəzair Respublikasında mədəniyyət qrupuna rəhbərlik edib.

R.Hacıyev ötən əsrin 60-cı illərindən başlayaraq ictimai işlərdə də fəal çalışıb. O, 1964-cü ildə M.Maqomayev adına Azərbaycan Dövlət Filarmoniyasına direktor, 1965-ci ildə isə Azərbaycanın mədəniyyət naziri təyin olunub. Nazir işlədiyi illərdə onun təşəbbüsü ilə Azərbaycan Dövlət Xor Kapellası, Mahnı Teatrı, Azərbaycan Dövlət Rəqs Ansamblı, eləcə də dünyada birinci Xalçaçılıq muzeyi açılıb. Azərbaycan Bəstəkarlar İttifaqının V qurultayında idarə heyətinin birinci katibi, VI qurultayda isə idarə heyətinin katibi seçilib.

Görkəmli bəstəkarımız Rauf Hacıyev 1995-ci il sentyabrın 19-da dünyasını dəyişsə də, onun musiqisi daim yaşayır və xalqımızın estetik baxımdan formalaşmasında, tamaşaçı və dinləyicilərin musiqi zövqünün inkişafında mühüm rol oynayır. [/yandexrss]