Xarici həkimlər arasında Çində klinik təcrübə və bilik mübadiləsinə artan marağı nəzərə alaraq, Tianjin Döş Qəfəsi Xəstəxanası beynəlxalq əməkdaşlıq ehtiyaclarını qarşılamaq məqsədilə 20–24 oktyabr tarixində Döyünən Ürəydə Koronar Arter Şuntlama (OPCAB) və Endoskopik Damar Çıxarılması (EDÇ) üzrə Beynəlxalq Seminar təşkil etdi. Bu tədbir “Bir Kəmər, Bir Yol” təşəbbüsünün reallaşdırılması istiqamətində xəstəxananın mühüm addımı olmaqla, tərəfdaş ölkələrlə inkişaf etmiş tibbi texnologiyalar sahəsində praktiki əməkdaşlığı gücləndirməyi hədəfləyirdi.
Ürək-damar cərrahiyyəsi sahəsində, xüsusilə koronar arter şuntlama (CABG) əməliyyatlarında geniş təcrübəyə malik olan Tianjin Döş Qəfəsi Xəstəxanası ürək və damar xəstəliklərin müalicəsi, təhsili, elmi-tədqiqatı və profilaktikasını özündə birləşdirən, həmçini, minimal invaziv texnologiyalarda peşəkar nümunəvi təcrübəyə malik olan müasir ixtisaslaşmış tibbi müəssisəsidir. Xəstəxananın yataq sayı 1,080, illik ürək əməliyyatları 4,981 dir. Azərbaycandan ürək-damar cərrahı Dr. Emin Qurbanov, endoskopik damar çıxarılması üzrə mütəxəssis Röyal Həsənzadə, həmçinin Azərbaycanda endoskopik tibbi cihazların rəsmi distributor Toğrul Bayramov seminara xüsusi dəvət almış və burada fəal iştirak etmişlər. Bu seminar beynəlxalq müstəvidə Azərbaycanın tibbi texnologiyaların inkişafına verdiyi töhfəni nümayiş etdirməklə yanaşı, iki ölkə arasında yeni əməkdaşlıq imkanlarının formalaşmasına zəmin yaradıb.