Tovuzda bədbəxt hadisə baş verib.
Hadisə Hunalılar kəndində qeydə alınıb.
Belə ki hərəkətdə olan “VAZ 2107” markalı, 60 BH 272 dövlət qeydiyyat nişanlı minik avtomobili Kür çayına aşıb.
Nəticədə sürücü, 1989-cu il təvəllüdlü Tural Quliyev və sərnişinləri - 1991-ci il təvəllüdlü Vüqar Cəfərov, 1988-ci il təvəllüdlü Elxan Sadıqov batıb.
Digər sərnişin, 1992-ci il təvəllüdlü Turqut İbrahimov isə üzərək sudan çıxıb.
Hazırda batanların axtarışları davam etdirilir.
Hadisə yerinə Tovuz Rayon Polis Şöbəsinin əməkdaşları cəlb olunub.