Bu gün Avropa Gimnastikasının təşəbbüsü ilə Azərbaycanda ilk dəfə olaraq bədii gimnastika üzrə Avropa kuboku start götürəcək.
Mayın 5-dək davam edəcək yarışda 37 ölkənin idmançıları mübarizə aparacaqlar.
Milli Gimnastika Arenasında təşkil olunacaq Avropa kuboku yeni formatı ilə fərqlənəcək. Proqrama əsasən, böyük fərdi gimnastlar “çarpaz-qarşılaşmalar” sistemi ilə mübarizə aparacaqlar. Bununla da onlar təsnifat yarışlarından sonra final mərhələsinə yüksəlmək üçün bir-biriləri ilə güclərini yoxlayacaqlar.
Avropa kubokunda qaliblər fərdi və çoxnövçülük proqramında, eləcə də, komanda hesabında müəyyənləşəcək.
Azərbaycanı “Yeniyetmələr” arasında fərdi proqramda çıxış edən Fidan Qurbanlı, İlahə Bahadırova, Gövhər İbrahimova və Şəms Ağahüseynova, böyüklər arasında fərdi yarışlarda Zöhrə Ağamirova ilə Kamilla Seyidzadə, qrup hərəkətlərində isə Güllü Ağalarzadə, Kamilla Əliyeva, Yelizaveta Luzan, Darya Sorokina, Ləman Əlimuradova və Zeynəb Hümmətovadan ibarət komanda təmsil edəcək.
Bədii Gimnastika üzrə Avropa Kubokunun ümumi mükafat fondu 40 000 avrodur.