Beyləqan Su Meliorasiya Sistemlərinin İstismarı İdarəsi Beyləqan rayonunda əhalinin içməli suya olan təlabatını ödəmək və rayon ərazisində yerləşən əkin sahələrinin suvarma suyu ilə təminatını yaxşılaşdırmaq məqsədilə tədbirlərini tərtib edilmiş plan əsasında davam etdirir.
Azərbaycan Dövlət Su Ehtiyatları Agentliyindən bildirilib ki, idarə Beyləqan şəhəri ərazisində 5418 abonentə xidmət edir. Ötən il 236 qəza baş verib və qəzalar dərhal aradan qaldırılıb. Bundan başqa, il ərzində 34 abonentlə müqavilə bağlanaraq, su ilə təmin edilib, 246 su sayğacı yenisi ilə əvəzlənib və 668 sayğacı isə təmir olunub. Bununla yanaşı, rayonda 89,6 kilometr uzunluqda mərkəzləşmiş kanalizasiya sistemi mövcuddur. 3,9 kilometr kollektor vasitəsi ilə sutkada 10000 kubmetr çirkab təmizlənərək drenaj kanalına ötürülür. Rayon ərazisində 4 kənddə modul tipli qurğu fəaliyyət göstərir, 59 bulağa xidmət edir. İki kənddə isə dəyəri ödənilməyən 31 bulaq fəaliyyət göstərir. Ümumilikdə, Beyləqan Su Meliorasiya Sistemlərinin İstismarı İdarəsi 6 kənddə əhalini bulaqlar vasitəsilə su ilə təmin edir. İdarənin balansında olan laboratoriyada isə 13 rayon və 4 köçkün qəsəbə ərazisindən götürülən içməli su analiz edilir. Hazırda laboratoriya tam gücü ilə işləyir.
Onu da qeyd edək ki, Beyləqan Su Meliorasiya Sistemlərinin İstismarı İdarəsi Qarabağ Suvarama Kanalı vasitəsilə 8068 hektar, Xan qızı kanal vasitəsilə 40388 hektar, subartezian quyuları vasitəsilə 2900 hektar olmaqla, ümumilikdə, 51536 hektar əkin sahəsinə xidmət edir. Bunun üçün idarənin balansında olan 1298 kilometr uzunluğunda suvarma kanalları, 1333 kilometr uzunluğunda kollektor-drenaj şəbəkəsi, 135ədəd subartezian quyusu, 8 ədəd nasos stansiyası mövcuddur. Ötən il suvarma kanallarında və kollektor-drenaj şəbəkələrində lildən təmizlənmə işləri müvəffəqiyyətlə aparılıb, 87 hidrotexniki qurğu, 119 subartezian quyusu təmir edilərək istismara verilib. Hazırda idarə tərəfindən “Türklər” nasos stansiyasından qaldırılan suyu nəql edən “Türklər” kanalının başlanğıcında uzunluğu 50 metr olan hissədə təmir-bərpa işləri davam etdirilir. 2024-cü ildə su təminatının yaxşılaşdırılması məqsədilə rayon ərazisində yerləşən 200 hektar əkin sahəsinə xidmət edən suvarma kanalının 1,3 kilometr hissəsində üzərindəki qurğularla birlikdə əsaslı təmir aparalaraq beton üzlüyə alınıb.
Qeyd edək ki, 2024-cü ildə idarənin istismar tədbirləri planında nəzərdə tutulmuş 3 subartezian quyusunun əsaslı təmir bərpa işlərinə başlanılıb və hazırda bu işlər davam etdirilir.