Azərbaycan və Pakistanı təkcə iqtisadi və siyasi əlaqələr deyil, həm də qardaşlıq əlaqələri bağlayır.
Bu barədə jurnalistlərə Pakistanın Azərbaycandakı səfiri Bilal Hayi bildirib.
"Uzun illər Azərbaycan və Pakistan beynəlxalq platformalarda çiyin-çiyinə olub. Biz Qarabağdan tutmuş Kəşmir probleminə qədər çətin məsələlərdə bir-birimizi dəstəkləmişik. Və əminliklə bəyan edirəm ki, bundan sonra da bir-birimizi dəstəkləyəcəyik", - səfir bildirib.
O qeyd edib ki, 23 mart Pakistan xalqı üçün mühüm tarixdir.
“23 mart ölkəmiz üçün əlamətdar bir tarixdir, Pakistan dövlətinin yarandığı gündür”, - B.Hayi əlavə edib.