Mayın 18-də Belarus Respublikası Milli Assambleyası Nümayəndələr Palatasının sədri İqor Sergeyenko ölkəmizə səfərə gəlib.
İqor Sergeyenko BMT-nin Bakıda keçirilən Ümumdünya Şəhərsalma Forumunun On Üçüncü sessiyasının (WUF13) açılış mərasimində iştirak edəcək. Sonra onun Azərbaycana rəsmi səfəri çərçivəsində ölkəmizin rəsmiləri ilə bir sıra görüşləri nəzərdə tutulub.
Belarus Respublikası Milli Assambleyası Nümayəndələr Palatasının sədrini və onun rəhbərlik etdiyi nümayəndə heyətini Heydər Əliyev Beynəlxalq Hava Limanında Milli Məclis sədrinin müavini Ziyafət Əsgərov, Azərbaycan-Belarus parlamentlərarası əlaqələr üzrə işçi qrupunun rəhbəri Ziyad Səmədzadə, Belarusun Azərbaycandakı səfiri Dmitri Pineviç və digər rəsmi şəxslər qarşılayıblar.

Milli Məclisin Mətbuat və
ictimaiyyətlə əlaqələr şöbəsi