Minnətdarlıq

Akademik M. A. Qasımov adına Respublika Kliniki Xəstəxanasında Mehriban və Arzu əkiz bacıları doğuldu

Bu gün həyatımızın ən əlamətdar, ən sevincli, həm də ən məhsuldar günüdür. Aylardı səbirsizliklə yolunu gözlədiyimiz an nəhayət gəlib çatdı. Bu an, eyni zamanda keçirdiyimiz həyəcana, narahatlığa yaxşı mənada son qoydu artıq.

Budur, əkiz balamız dünyaya gözlərini açdı. Hər ikisi tibbi və fiziki cəhətdən sağlam və gümrah. Təbii ki, bunun əsas səbəblərindən biri də doğuşa məsul şəxsin peşəkar əməyidir. Təcrübəli mama-qnikoloq Pərvanə xanım Əliyeva ilk andan bizə ürək-dirək verdi, söz kəsdi ki, narahat olmayın hər şey gözləniləndən də yaxsı olacaq. Və elə də oldu...

Hər ikisi cinsiyyətcə qız doğulan əkiz balamızın birinin adını Mehriban, digərinin adını isə Arzu qoyduq. İnanıram ki, bu gün dünyaya gələn əkizlərin hər ikisi adları ilə böyüyəcək, ölkəmizin ictimai-siyasi həyatında layiqli yer tutacaq, Azərbaycanımızın ziyalı xanımlarından olacaqlar.

Məlumat üçün deyək ki, ömrünü sözügedən sahəyə bağlayan Pərvanə xanım xeyli vaxtdır ki, akademik M. A. Qasımov adına Respublika Kliniki Xəstəxanasının Qnikoliji şöbəsində rəhbər vəzifədə çalışır. Çalışdığı müddətdə uca Yaradanınin hökmü ilə saysız ailələrə sonsuz sevinc bəxş edib. Heç bir problem yaşamadan əkiz balalarımızın sağlam doğuluşu üçün gərgin əməyi, böyük zəhməti olan Pərvanə xanıma ailəmiz adından dərin təşəkkürümü bildirir, şərəfli fəaliyyətində bundan sonra da yüksək uğurlar, xalq məhəbbəti arzulayıram.

Fərqanə Müseyibqızı